നിയോഗം 3 The Fate Of Angels Part VI [മാലാഖയുടെ കാമുകൻ] 3086

കണ്ണിന് മുൻപിൽ നടന്നത് കണ്ടു ഒന്ന് പ്രതികരിക്കാൻ പോലും ആകാതെ ശിലപോലെ നിൽക്കുകയായിരുന്നു ബാക്കിയുള്ളവർ.. ലിസ നിലവിളി അമർത്തി മുൻപോട്ട് കുതിക്കാൻ ആഞ്ഞു…

പെട്ടെന്നാണ് മെറിനെ കൊന്നവൾ ഹെൽമെറ്റ് ഊരി മാറ്റിയത്.. എല്ലാവരും ഞെട്ടി.. ജൂൺ അടക്കം. സംശയം ശരിയയായിരുന്നു എന്ന് ജൂൺ പേടിയോടെ ഓർത്തു..

അത് മെറിൻ തന്നെ ആയിരുന്നു..

ലിസ അല്പം പുറകിലേക്ക് മാറി അർച്ചനയെയും ശില്പയെയും പുറകിലേക്ക് പിടിച്ചു.. അതിന് ശേഷം ബൂട്ടിന്റെ ഇടയിൽ നിന്നും പിസ്റ്റൾ എടുത്തു മെറിന് നേരെ ചൂണ്ടി..

അത് കണ്ടു കറുത്ത വേഷം ഇട്ട മെറിൻ ചിരിച്ചു..

“ലിസ.. ഇതാണ് ഞാൻ.. നിങ്ങളെ ഇങ്ങോട്ട് കൊണ്ടുവന്നത് ഞാനല്ല.. നോക്ക്…”

മെറിൻ കൈ ചൂണ്ടിയപ്പോൾ ലിസ താഴേക്ക് നോക്കി.. ഒരു കറുത്ത രൂപം ആയിരുന്നു താഴെ.. ഹെഡ് ലൈറ്റിൽ വീണ ചോര കറുപ്പ് ആയിരുന്നു എന്ന് അപ്പോഴാണ് അവർക്ക് മനസിലായത്..

“ചേച്ചി…!!”

അർച്ചന ഓടിവന്നു മെറിന്റെ നെഞ്ചിലേക്ക് വീണപ്പോൾ അവൾ അർച്ചനയെ ചേർത്തുപിടിച്ചു.. നെറ്റിയിൽ ഉമ്മവച്ചു.

സത്യത്തിൽ അവർക്ക് അവിടെ എന്താണ് നടന്നത് എന്ന് മനസിലായില്ല.. ലിസ പിസ്റ്റൾ കാലിൽ തന്നെ വച്ചു.

“എനിക്ക് ഒന്നും മനസിലാകുന്നില്ല മെറിൻ..”

ലിസ പതറിയ ശബ്ദത്തിൽ പറഞ്ഞു.. അവളുടെ ഇടറിയ ശബ്ദത്തിൽ നിന്നും തന്നെ മെറിൻ അവൾക്ക് എത്രത്തോളം പ്രിയപ്പെട്ടത് ആണെന്ന് വ്യക്തം ആയിരുന്നു..

ശില്പ കണ്ണും മിഴിച്ചു നില്ക്കാൻ തുടങ്ങിയിട്ട് കുറെ നേരം ആയിരുന്നു..

ബൈക്കുകൾ ഒന്ന് മുരണ്ടു…

“ജൂൺ.. ഇനി ഇവരെ നോക്കേണ്ടത് നീയാണ്.. ഓർക്കിഡ് എവിടെ? ഞങ്ങൾ പോകുന്നു. ഇവർ തിരിച്ചു വരുമ്പോഴേക്കും ഇവിടം ഒന്ന് വൃത്തിയാക്കാനുണ്ട്… മെറിൻ.. കാണാം വീണ്ടും…”