നിയോഗം 2 Dark World Part XI (മാലാഖയുടെ കാമുകൻ) 1497

അതിനു ശേഷം ക്രൂരമായി കൊല്ലും.. എന്റെ ചെന്നായകൾക്ക് ഭക്ഷണം ആക്കും ഞാൻ അവരെ.. നീ അത് കാണണം..”

അവൾ എന്റെ കഴുത്തു ഞെരിച്ചു കൊമ്പു മെല്ലെ അമർത്തി..

ഞാൻ സർവ ശക്തിയും എടുത്തു അവളുടെ കൊമ്പിൽ പിടിച്ചു ഇരുവശത്തേക്കും വിടർത്തി അവളുടെ വയറിൽ ശക്തിയിൽ ചവുട്ടി..

അവളുടെ പിടി ഒന്ന് അയഞ്ഞു.. ഞാൻ അവളുടെ കൊമ്പുകൾ പിടിച്ചു നന്നായി അകത്തിയപ്പോൾ അവൾ എന്നെ നിലത്തിട്ടു.. അവൾക്കും വേദന ഉണ്ടെന്നു എനിക്ക് മനസിലാക്കാൻ കഴിഞ്ഞു.

വീണു കിടന്ന ഞാൻ അവളുടെ കാലിൽ ചവുട്ടിയപ്പോൾ അവൾ എന്റെ ദേഹത്തേക്ക് ചാഞ്ഞു… ഇടം കാലുകൊണ്ട് അവളുടെ നെഞ്ചിൽ ആഞ്ഞു ചവുട്ടി…

അവൾ അല്പം പുറകോട്ട് പോയപ്പോൾ ഞാൻ ചാടി എഴുന്നേറ്റ് നിന്നു.. ഓടി പോയി നിലത്തു വീണു കിടന്ന വാൾ എടുത്തു കയ്യിൽ പിടിച്ചു..

അത് കണ്ടു അവൾ ചിരിച്ചു..
അതിന് ശേഷം ചിറക് വിരിച്ചു എന്റെ അടുത്തേക്ക് മന്ദം മന്ദം നടന്നു വന്നു…

ഞാൻ ആഞ്ഞു വെട്ടി…. എന്നാൽ അവൾ ഒരു ചിറക് മടക്കി ആ വെട്ടു തടഞ്ഞു… വാൾ നെടുകെ പൊട്ടി ഒരു ഭാഗം തെറിച്ചു പോയി.. അവളുടെ ചിറകിന്റെ കാഠിന്യം എന്നെ അതിശയിപ്പിച്ചു.

അവൾ ചിരിച്ചു കൊണ്ട് എന്റെ നെഞ്ചിൽ അമർത്തി എന്നെ തള്ളി ഒരു മൂലക്ക് കൊണ്ടുപോയി… എന്റെ കയ്യിൽ നിന്നും വാളിന്റെ പിടി നിലത്തു വീണു.

എനിക്ക് ആകെ ഒരു തളർച്ച വന്നിരുന്നു…

അവൾ എന്റെ ഇരുകൈകളും പിടിച്ചു വച്ചു… കൊമ്പുകൾ നീണ്ടു വന്നു അതിൽ ഒരെണ്ണം എന്റെ വയറിന്റെ മാംസ ഭാഗം തുളച്ചു ഉള്ളിലേക്ക് കയറി..

“ആആആ…..”

ഞാൻ അലറി വിളിച്ചു…. ഇത് കാണാൻ ശക്തി ഇല്ലാതെ മെറിൻ താഴെ ഇരുന്നത് എനിക്ക് കാണാമായിരുന്നു..

“റോഷൻ….നീ… നീ ഇപ്പോൾ എന്തെങ്കിലും ചെയ്തില്ലെങ്കിൽ നമ്മുടെ കുട്ടികൾ അനാഥർ ആകും..”

ട്രിനിറ്റി വിളിച്ചു പറഞ്ഞു.. അവളുടെ കണ്ണിൽ നിറയെ വെള്ളം.. ഞാൻ ഡാർക്കിനെ നോക്കി… അവളുടെ കണ്ണിൽ എന്റെ വേദന കണ്ടു ഹരം ആണ്… എന്റെ മോളെ ഞാൻ ഓർത്തു.. അമ്മയുടെ വരവിനു വേണ്ടി കാത്തു നിൽക്കുന്ന ആ കൊച്ചു നീല കണ്ണുകൾ… അന്ന് അത് എനിക്ക് വേണ്ടിയാണ് നനഞ്ഞത്.. ഞാൻ കാരണം അവൾക്ക് അവളുടെ അമ്മ നഷ്ടമാകും…

എന്റെ കണ്ണിലെ ഭാവം മാറി… എന്റെ കാഴ്ച കുറച്ചു കൂടി ഷാർപ് ആയി.. വേദന മാറി.. കൈകളിൽ എന്തോ വന്നു നിറയുന്നത് പോലെ… എന്റെ മനസ്സിൽ ഇത്ര നേരം ഉണ്ടായിരുന്ന മരിക്കണം എന്ന ചിന്ത മാറി പകരം ജീവിക്കണം എന്ന തോന്നൽ മാത്രം വന്നു… അത് എന്നിൽ കുറെ മാറ്റങ്ങൾ വരുത്തി..

ഞാൻ അവൾ പിടിച്ച എന്റെ കൈ തിരിച്ചു അവളുടെ കയ്യിൽ പിടുത്തം മുറുകി.. അവൾ കയ്യിലേക്ക് നോക്കി..

കൈ ശക്തിയിൽ മുറുക്കി അവളെ അല്പം പുറകോട്ട് തള്ളി വലത്തേ കാൽ ഞാൻ മുകളിലേക്ക് മിന്നൽ പോലെ മടക്കി തന്നെ ഉയർത്തി…

അരക്കു മുകളിൽ പൊങ്ങിയ കാൽ അതി ശക്തം ആയി ഞാൻ നിവർത്തി അവളുടെ താടിക്ക് തന്നെ ചവുട്ടി..

അവൾക്ക് അത് വളരെ നല്ല ശക്തിയിൽ തന്നെ കൊണ്ടു..

ഒരു അലർച്ചയോടെ അവൾ പുറകിലേക്ക് മറിഞ്ഞു ബാലൻസ് ചെയ്തു നിന്നു..

ഭിത്തിയിൽ കാലു ചവുട്ടി കുതിച്ചു ഞാൻ ഒരു സ്പെയറിലൂടെ അവളെ നിലത്തേക്ക് ഇട്ടു..