നിയോഗം 2 Dark World Part XI (മാലാഖയുടെ കാമുകൻ) 1497

അവൾ എന്നെ നോക്കി..

“റോഷൻ.. വരുമോ നീ എന്റെ ഒപ്പം? ഇനി അപ്പുറത്തേക്ക് പോയാൽ എനിക്ക് എന്നെ നിയന്ദ്രിക്കാൻ കഴിയില്ല.. പ്ലീസ്‌.. കം വിത്ത് മി….”

അവൾ എനിക്ക് നേരെ കൈ നീട്ടി… ഒരു കയ്യിൽ റോസാപൂവും മറുകൈ എന്റെ നേരെ നീട്ടി കറുത്ത വലിയ ചിറക് പൊതിഞ്ഞു നിൽക്കുന്ന രൂപം..

ഒരു നിമിഷം മനസ് പതറി..

എന്നാലും അവൾ എന്നെ സ്നേഹിക്കുന്നവരെ കൊല്ലും എന്നും ഇത് അവളുടെ ഒരു മൈൻഡ് ഗെയിം ആണെന്നും അറിയുന്നത് കൊണ്ടും എനിക്ക് എതിർക്കാതെ രക്ഷ ഇല്ല..

“ഇല്ല സ്കാർലെറ്റ്.. എനിക്ക് പറ്റില്ല.. ഒരിക്കലും ഇല്ല..

എന്റെ ആളുകളെ കൊല്ലാൻ നോക്കിയവൾ ആണ് നീ.. ഒരിക്കലും എനിക്ക് നിന്റെ ഒപ്പം വരാൻ കഴിയില്ല… നിർത്ത് നിന്റെ മാജിക്.. അതിൽ ഞാൻ വീഴില്ല…മരിക്കാൻ തയാറായി ആണ് ഞാൻ നിൽക്കുന്നത്..”

ഞാൻ ഉറച്ച ശബ്ദത്തിൽ അത് തീർത്തു പറഞ്ഞു.. അവൾ ഒന്നും മിണ്ടിയില്ല..

“നിന്നെ സ്നേഹിക്കുന്നു ഞാൻ… നീ എനിക്ക് വഴങ്ങില്ല എന്ന് ബോധ്യം വന്നു.. അത് കൊണ്ട് തന്നെ.. നിനക്കുള്ള ശിക്ഷ കഠിനം ആണ്..”

അവൾ അത് പറഞ്ഞ ശേഷം ആ പൂവ് നിലത്തു ഇട്ടു ഹീൽ ഉള്ള ഷൂസ് കൊണ്ട് ചവുട്ടി അരച്ചു..

അതിനു ശേഷം ഒന്ന് കൂടി അലറി.. അവളുടെ ചിറക് അവൾ മുഴുവൻ വിടർത്തി..

വല്ലാത്ത വലിപ്പം… അവളുടെ പുറകിൽ നിന്നും രണ്ടു വലിയ എട്ടുകാലിയുടെ കാലു പോലെ കൊമ്പുകൾ കൂടി വന്നു… നല്ല വലിപ്പം ഉള്ള കൈകൾ പോലെ ഉള്ള കൊമ്പുകൾ.. വല്ലാത്ത മൂർച്ച ഉണ്ട് എന്ന് കാണാം..

മെറിൻ അന്ന് പറഞ്ഞ കാര്യം എന്റെ ചെവിയിൽ വീണ്ടും മുഴങ്ങി.

“മരിച്ചവരുടെ ഹൃദയം എന്തോ കൂർത്ത കൊമ്പ് പോലെ ഉള്ള വസ്തു കൊണ്ട് കുത്തി ചിതറിച്ചിരിക്കുന്നു..”

ആ കൂർത്ത കൊമ്പു പോലെ ഉള്ള വസ്തു ആണ് ഇവളുടെ കൈ പോലെ ഉള്ള കൊമ്പുകൾ..

അവളുടെ തലയിൽ വലിയ തരം ആൺ കാട്ടാടിന്റെ പോലെ ഉള്ള നീണ്ടു മടങ്ങിയ കൊമ്പുകൾ കൂടി വന്നു..

പല്ലുകൾ മൂർച്ച ഉള്ളതായി.. തലയിൽ ഒരു കിരീടവും അതിൽ ആ കല്ലും..

കയ്യിൽ നഖങ്ങൾ നീണ്ടുവന്നു… കണ്ണുകൾ ചുവന്ന നിറത്തിൽ വെട്ടി തിളങ്ങി…

അത് കണ്ടു ഞാൻ വിറച്ചുപോയി…. Maleficent എന്ന സിനിമയിൽ ആഞ്‌ജലീന ജോളിയുടെ വേറെ ഒരു രൂപം… അതി ക്രൂരമായ രൂപം.. ഇത് കണ്ടിട്ടും എന്റെ ബോധം പോകാത്തത് എന്താണെന്നു ഞാൻ ആലോചിച്ചു.. ആകെ ഒരു വിറയൽ..

“നിനക്ക് എന്നെ അറിയില്ലായിരുന്നു.. പക്ഷെ വൈകി.. ഞാൻ നിന്നെ വേദനിപ്പിച്ചു കൊല്ലും..”

അവൾ അത് പറഞ്ഞ ഉടനെ ചിറക് വീശി പാഞ്ഞു വന്നു… അനങ്ങാൻ കഴിഞ്ഞില്ല… അവൾ ആ ചിറകുകൾ കൂട്ടി എന്നെ ഒരു അടി അടിച്ചു.. ഇരുമ്പ് പാളികൾ കൊണ്ട് അടിച്ചത് പോലെ തോന്നി..

നിലത്ത് വീണ എന്നെ അവൾ പൊക്കി എടുത്തു എറിഞ്ഞു..

ഞരക്കത്തോടെ കറങ്ങി തെറിച്ചു പോയ ഞാൻ ഒരു മേശയിൽ അടിച്ചു ഉരുണ്ടു തെറിച്ചു നിലത്തു വീണു…