നിയോഗം 2 Dark World Part XI (മാലാഖയുടെ കാമുകൻ) 1496

ഒരെണ്ണം അല്ലെ ഉള്ളു എന്ന് സമാധാനിച്ചു.. എന്നാൽ ഉടനെ അതിന്റെ പുറകെ പത്തോളം പല നിറത്തിലുള്ള ചെന്നായ്ക്കൾ റൂമിലേക്ക് കയറി വന്നു നാവു ഞൊട്ടി ഞങ്ങളെ നോക്കി… അതിനു ശേഷം പല ഭാഗങ്ങളിൽ ആയി ഇരുന്നു..

അതിന്റെയൊക്കെ കണ്ണുകൾ ഞങ്ങളുടെ നേർക്ക് ആണ്..കടിച്ചു കീറാൻ വെമ്പി നിൽക്കുന്ന ചെന്നായ്ക്കൾ..

ഒരു കാൽപാദ ശബ്ദം കെട്ടു..

റൂമിൽ ഇന്നും ഇറങ്ങി വന്നത് ചുവന്ന വേഷം അണിഞ്ഞ ഒരു പെണ്ണ് ആണ്…

അവളുടെ കയ്യിൽ വരെ ചുവന്ന ഗ്ലൗസ്, ഹീൽ ഷൂസ് ചുവപ്പ് ആണ്. തലയിൽ ഉള്ള മൂടുപടവും ചുവപ്പ് തന്നെ ആണ്.. അവളുടെ ചുവന്ന ചുണ്ടുകളും ആകൃതി ഒത്ത താടിയും മാത്രമേ കാണാനുള്ളൂ..

അവൾ ചിരിച്ചു.. നിരയൊത്ത പല്ലുകൾ..

“ഞാൻ ഒന്ന് പറഞ്ഞാൽ ഇവർ നിങ്ങളെ കടിച്ചു കീറും.. “

അവൾ മെല്ലെ പറഞ്ഞു കൊണ്ട് ആ കുട്ടി ഇരുന്ന കസേരയിൽ ഇരുന്നു..

“നിനക്ക് എന്താണ് വേണ്ടത്?”

ഞാൻ ചുറ്റും നോക്കിക്കൊണ്ടു ചോദിച്ചു… ചെന്നായ്ക്കൾ നാവു നീട്ടിക്കൊണ്ടു ഇരിക്കുന്നു.. ലിസ, അനാ രണ്ടുപേരും അനങ്ങാതെ നിൽക്കുന്നു. മെറിൻ ആകെ പകച്ചു നോക്കുന്നുണ്ട്..

“പറഞ്ഞല്ലോ.. നിനക്ക് രണ്ടു ഓപ്ഷൻ ഉണ്ട്.. ഒന്ന്.. നിന്നെ സ്നേഹിക്കുന്ന എല്ലാവരെയും വിട്ടു നീ സ്കാർലെറ്റിന്റെ ഒപ്പം പോവുക…

രണ്ട്.. എതിർക്കുക.. “

അവൾ പറഞ്ഞു നിർത്തി..

“ഞാൻ ഒപ്പം പോയാൽ അവൾ ഇവരെ ജീവിക്കാൻ അനുവദിക്കുമോ?”

ഞാൻ തിരിച്ചു ചോദിച്ചു..

“ഇല്ല.. അവരുടെ ഒക്കെ മരണം ഉറപ്പാണ്..
അതും നീ തന്നെ നടത്തണം.. അവളെ എതിർക്കാൻ നിനക്ക് ആകില്ല.
അവളുടെ ഒപ്പം പോകുമ്പോൾ നീ സ്നേഹിക്കുന്ന ആരും ജീവനോടെ ഉണ്ടാകാൻ പാടില്ല.. പക്ഷെ നിനക്ക് കിട്ടുന്ന സുഖ സൗകര്യങ്ങൾ ലോകത്ത് ഒരു മനുഷ്യനും കിട്ടില്ല.. സ്വപ്നം പോലും കാണാൻ കഴിയില്ല.. സുന്ദരികളിൽ സുന്ദരികൾ ആയ ദേവതകളും, നീ പറയുന്നത് എന്തും നൽകാൻ ആളുകളും ഉണ്ടാകും. കൂടാതെ ഡാർക്ക് എയ്ഞ്ചൽ അവളെ തന്നെ നിനക്ക് നൽകും.., ഈ പറയുന്ന ഞാൻ അടക്കം നിനക്ക് ഉള്ളതാണ്.. “

അവൾ പറഞ്ഞു നിർത്തി.. മെല്ലെ എണീറ്റ് ചെന്ന്.. അടുത്ത റൂമിൽ കയറി ഉടനെ തിരിച്ചു വന്നു..

അവളുടെ കയ്യിൽ നല്ല മൂർച്ച ഉള്ള ഒരു നീണ്ട വാൾ.. അവൾ അതെനിക്ക് തന്നു.. ഞാൻ വാങ്ങിയില്ല… അവൾ എന്റെ കയ്യിൽ അത് ബലമായി പിടിപ്പിച്ചു.

“അവരെ നീ തന്നെ കൊല്ലുക… സന്തോഷത്തോടെ…”

അവൾ വീണ്ടും പോയി ആ കസേരയിൽ ഇരുന്നു.. ഞാൻ ലിസയെ നോക്കി.. മെറിനെ നോക്കി.. ട്രിനിറ്റിയെ നോക്കി.. ആരും ഒന്നും മിണ്ടുന്നില്ല..

ഞാൻ മെല്ലെ ലിസക്ക് നേരെ നടന്നപ്പോൾ അവൾ അല്പം പേടിയോടെ എന്നെ നോക്കി.. ആരും ഒന്നും മിണ്ടിയില്ല..

“കൊല്ലുകയാണെങ്കിൽ ഒറ്റ വെട്ടിനു കൊല്ലണം, റോഷൻ…”

ലിസ എന്നോട് പറഞ്ഞു പുഞ്ചിരിച്ചു കൊണ്ട് മെറിനെ നോക്കി.. അവളും ചിരിച്ചു..

ട്രിനിറ്റി നിലത്തേക്ക് നോക്കി ഇരുന്നു.. അനാബെൽ ആകെ ആശയക്കുഴപ്പത്തിൽ എന്നെ നോക്കി.. അവൾ കയ്യിൽ ഉള്ള ഗണ്ണിൽ മുറുകെ പിടിച്ചു.

“എല്ലാവരും ഉണ്ടായിട്ടും ആരും ഇല്ലാതിരുന്ന എനിക്ക് ദൈവം തന്ന അനുഗ്രഹം ആണ് നിങ്ങൾ ഒക്കെ.. അത് ഇല്ലാതെ ആകും എന്നറിഞ്ഞതിൽ സങ്കടം വരുന്നു…”

അത് ഞാൻ പറഞ്ഞപ്പോൾ ലിസയുടെ മുഖം സങ്കടം കൊണ്ട് നിറഞ്ഞു..

“എന്നാൽ.. അത് വേറെ ഒരാൾക്ക് വേണ്ടിയും ഏതു സുഖസൗകര്യത്തിനും വേണ്ടി ഞാൻ ഇല്ലാതെ ആക്കില്ല…. എതിർക്കും.. ശക്തമായി എതിർക്കും…!!!! മരണം ആണെങ്കിൽ മരണം…!

കേട്ടോടീ????????”

ഞാൻ വെട്ടി തിരിഞ്ഞു അലറി വിളിച്ചു കൊണ്ട് കസേരയിൽ ഇരുന്നവളുടെ തലക്ക് തൊട്ടു മുകളിൽ ആയി ആ വാൾ അതിശക്തം ആയി എറിഞ്ഞു.. അവൾ ഒന്ന് പകച്ചു… വാൾ അവളുടെ തലയുടെ തൊട്ടു മുകളിലൂടെ അവൾ ഇരുന്ന സെറ്റിയിൽ തുളഞ്ഞു കയറി.

“അത് കൊള്ളിക്കാൻ അറിയാഞ്ഞിട്ടല്ല.. മരിച്ചാൽ മരണം.. അല്ലാതെ ഒരാളുടെ അടിമ ആയി ജീവിക്കാൻ എന്നെ കിട്ടില്ല…”

ഞാൻ അവളുടെ നേരെ കൈ ചൂണ്ടി പറഞ്ഞു..

ഉടനെ ചെന്നായ്ക്കൾ എല്ലാം ഒന്ന് പേടിച്ചു നിലത്തു കിടന്നു.. ആ റൂമിൽ നിന്നും ഒരു കാലടി ശബ്ദം കെട്ടു…

പുറത്തേക്ക് വന്നത് ഡാർക്ക് എയ്ഞ്ചൽ ആണ്..

ഇന്ന് വേഷം കറുപ്പ് ആണ്.. മുറുകിയ തിളങ്ങുന്ന വേഷം.. മുടി മുകളിൽ കെട്ടി വച്ചിരിക്കുന്നു..

കണ്ണുകളിൽ വന്യത.. അവൾ കസേരയിൽ ഇരുന്ന പെണ്ണിനെ ഒന്ന് നോക്കിയപ്പോൾ അവൾ എണീറ്റ് ഒരു മൂലയിൽ ഒതുങ്ങി നിന്നു… അവൾ എല്ലാവരെയും ഒന്ന് നോക്കി..

അതിനു ശേഷം അവൾ കൈ പുറകോട്ടു കൊണ്ടുപോയി വാതിലിന്റെ അവിടെ നിന്നും ഒരാളെ വലിച്ചു ആ റൂമിന്റെ ഇരുട്ടിൽ നിന്നും തള്ളി മുൻപോട്ട് നിർത്തി…

ഞാൻ എന്നല്ല… ആ റൂമിൽ ഉണ്ടായിരുന്ന എല്ലാവരും വിറച്ചു പോയി…

മീനു!!!!

അവളുടെ വായ കറുത്ത തുണി വച്ച് മൂടി കെട്ടിയിരിക്കുന്നു.. കൈകൾ പുറകോട്ടും.. അവളുടെ കണ്ണിൽ ദൈന്യ ഭാവം.. മരിക്കാൻ പോകുന്ന ഭാവം..