നിയോഗം 2 Dark World Part XI (മാലാഖയുടെ കാമുകൻ) 1496

അനാബെൽ അത് പറഞ്ഞു പുറകിൽ നിന്നും ഒരു കറുത്ത മെഷീൻ ഗൺ എടുത്തു ലോഡ് ചെയ്തു..

ഞാൻ ഇരുവരെയും നോക്കി.. തയാറായി ആണ് വന്നിരിക്കുന്നത്.

ഞങ്ങൾ മെല്ലെ മുൻപോട്ട് നടന്നു.. കുറച്ചു മരങ്ങൾ തിങ്ങി നിൽക്കുന്ന ഒരു സ്ഥലം ആണ്.. അവിടെ ഒരു കെട്ടിടം പോലും ഇല്ല..

എനിക്ക് അകെ കൺഫ്യൂഷൻ ആയി.. ഇത് തന്നെ ആകുമോ സ്ഥലം?

കുറച്ചു കൂടി മുൻപോട്ട് നടന്നപ്പോൾ ലൈൻ വലിച്ചു തിരിച്ചിട്ട ഒരു ഭാഗം കണ്ടു… ആറു ലൈൻ ഉള്ള ഒരുതരം മുള്ളുവേലി.. നല്ല ഉയരം ഉണ്ട്. നല്ല തിങ്ങി മരങ്ങളും ഉണ്ട്.

“No trespassing” ബോർഡ് കണ്ടു..

അനാബെൽ മുൻപോട്ട് നടന്ന എന്നെ തടഞ്ഞു..

അവൾ മുൻപോട്ട് പോയി നിലത്തു ഇരുന്നു ബാഗിൽ നിന്നും പ്ലയെർ എടുത്തു ഓരോ കമ്പികളും ആയി അറുത്തു മാറ്റി പോകാനുള്ള വഴി ഉണ്ടാക്കി..

ആദ്യം അവൾ തന്നെ പോയി.. പുറകെ ഞാനും ലിസയും.

അവിടെ ഒക്കെ പുല്ലുകൾ ആണ്. മഹാഗണി മരങ്ങൾ തിങ്ങി നിൽക്കുന്നു.. അതിന്റെ നടുഭാഗം ഒരു ചെറിയ കെട്ടിടം കണ്ടു..

ഒരു പബ്ലിക് ടോയ്ലറ്റിന്റെ വലിപ്പം മാത്രം.. ഞാൻ മെല്ലെ അതിൽ കയറി നോക്കി.. ഒന്നും ഇല്ല..

“ഇവിടെ ഒന്നും ഇല്ല….”

ഞാൻ നിരാശയോടെ പറഞ്ഞു.. ലിസ ചുറ്റും നോക്കി..

“ലുക്ക് അറ്റ് ദാറ്റ്….!”

അനാബെൽ പെട്ടെന്ന് കൈ ചൂണ്ടി… ഞങ്ങൾ അങ്ങോട്ട് നോക്കി..

ഒരു കുറ്റികാട്ടിന്റെ അടിയിൽ നിന്നും നേരിയ ഒരു വെളിച്ചം പുറത്തേക്ക് ലീക്ക്‌ ആകുന്നു.. ഒരു നൂല് പോലെ നേരിയ വെളിച്ചം.

അവിടെ എങ്ങനെ ഒരു വെളിച്ചം വന്നു എന്ന് എനിക്ക് മനസിലായില്ല.. പക്ഷെ അതിനടിയിൽ ആണ് ഞങ്ങൾ തേടുന്ന ആളുകൾ ഉള്ളത് എന്ന് മനസിലായി.

ഞങ്ങൾ നിലത്തു കിടന്നു മെല്ലെ ഇഴഞ്ഞു ചെന്നു.. അടുത്ത് ചെന്നപ്പോൾ ആണ് ഇരുമ്പിന്റെ ഒരു വലിയ പാളി നിലത്ത് കണ്ടത്.. അത് ഒരു കുറ്റികാടുകൾക്ക് ഇടയിൽ ആയിരുന്നു.

അതിന്റെ ലോക്കിന്റെ ഒരു ഭാഗത്തു നിന്നും ആണ് അല്പം വെളിച്ചം ലീക്ക് ആകുന്നത്..

ഞാൻ തപ്പി നോക്കി… ഒരു ഭാഗം തുറക്കാൻ കഴിയുന്ന ഒരു തരം ഇരുമ്പു പാളി.. നല്ല കനം ഉണ്ട്.

“ഐ തിങ്ക് ഇറ്റ്സ്‌ എ ബങ്കർ…”

ലിസ മെല്ലെ പറഞ്ഞു.. ഞാൻ മുട്ടുകുത്തി ഇരുന്നു പാളി മെല്ലെ വലിച്ചു നോക്കി.. അത് തുറക്കുന്നുണ്ട്.. ഇരുകാലുകളും വിടർത്തി വച്ച് ഞാൻ അത് മെല്ലെ തുറന്നു..അടിയിൽ നിന്നും അല്പം ചൂടുള്ള വായു പുറത്തേക്ക് തള്ളി..

ഞാൻ അടിയിലേക്ക് നോക്കി. അടിയിലേക്ക് ഇറങ്ങി പോകുന്ന ഇരുമ്പ് കോവണി.. അതിന്റെ അടിയിൽ ഉള്ള ബൾബിൽ നിന്നും ആണ് വെളിച്ചം മുകളിലേക്ക് വരുന്നത്..

ഞാൻ അവരെ ഒന്ന് നോക്കി.. തല കൊണ്ട് ഇനി എല്ലാം വരുന്നത് പോലെ എന്ന് ആഗ്യം കാണിച്ചു മെല്ലെ ഇറങ്ങി… എന്റെ ഭാരം അതിൽ വന്നപ്പോൾ ഇരുമ്പു കോവണി ഒന്ന് ഞരങ്ങി.. ഞാൻ ഒരു നിമിഷം അവിടെ നിന്നു..

അകത്തു നിന്നും ഒരു അനക്കവും ഇല്ല.. നിശബ്ദത മാത്രം.