നന്ദന 8 [Rivana] 148

“ പിന്നെ പ്രശ്നം ഉള്ളത് എന്തെന്ന് വെച്ചാൽ ആളുടെ ഒരു പിരി ലൂസാണ്, ആ ഒരു കുഴപ്പമേ ഞാൻ അവളിൽ കാണുന്നുള്ളൂ,,, അല്ലേ റയെ “ ഞാൻ റയയെ നോകീട്ട് പറഞ്ഞു.

“ മ്മ് അതേ,,, “ അവൾ ഒന്നും ആലോചിക്കാതെ അതെന്ന് മൂളി.

ഞാൻ പറഞ്ഞത് അവൾ സമ്മതിച്ചത് കേട്ട് ഞാനവളുടെ മുഖത്തേക്ക് നോക്കി ഉപ്പ മിററിലൂടെയും അവളെ നോക്കി. അങ്ങനെ സമ്മതിച്ചു തരാൻ വഴി ഇല്ലല്ലോ എന്ന് ഞാൻ ഓർത്തതേയുള്ളു.

“ ചേച്ചി ഇപ്പൊ എന്താ എന്നോട് പറഞ്ഞെ “ ഇപ്പോഴാണ് അവൾക് ബൾബ് കത്തിയതെന്ന് എനിക് മനസിലായി.

അവളത് പറഞ്ഞതും ഞാനും ഉപ്പയും ഉറക്കെ ചിരിച്ചു.

“ നിന്റെ ബൾബ് എന്താ മോളെ സ്ലോ ആണോ “ ഉപ്പ ലൈഫ് ബോയ് പരസ്യത്തിലെ പെണ്ണ് പറയുന്ന പോലെ അവളോട് ചോദിച്ചു.

ഉപ്പയുടെ ആ ഡയലോഗ് കേട്ടതും ചിരി അടക്കാൻ ശ്രമിച്ചിരുന്ന ഞാൻ വീണ്ടും ചിരിച്ചു.

“ രണ്ടാളും കൂടെ എന്നെയിട്ട് കളിയാകുകയാണല്ലേ,,, ഞാൻ നിങ്ങൾ രണ്ടാളോടും തെറ്റി,,, ഇനി എന്നോട് മിണ്ടാൻ വരണ്ട രണ്ടു പേരും “ അവൾ മുഖ വീർപ്പിച്ചു പറഞ്ഞു കൊണ്ട് വിൻഡോയിലൂടെ പുറത്തേക്ക് നോക്കി ഇരുന്നു.

“ ഞാൻ നിന്നെ ദേഷ്യം പിടിപ്പിക്കാൻ വേണ്ടി വെറുതെ പറഞ്ഞതല്ലേ അപ്പോയെക്കും നീ പിണങ്ങിയോ “ ഞാൻ അവളെ എന്റെ നേർക്ക് തിരിച്ചു കൊണ്ട് പറഞ്ഞു.

“ വേണ്ട ന്നോട് മിണ്ടാൻ വരണ്ട നിങ്ങള് ഉപ്പാന്റെ ഒപ്പം കൂടി എന്നെ കളിയാകീലെ “ അവൾ മുഖം വെട്ടിച്ചു കൊണ്ട് പറഞ്ഞു.

“ സോറി,, ഞാൻ വെറുതെ തമാശ പറഞ്ഞതല്ലേ റയെ നീ കാര്യായിട്ട് എടുക്കല്ലേ,, ഇനി ഞാൻ നിന്നെ കളിയാക്കില്ല “

“ ഇനി എന്നെ കളിയാക്കില്ലല്ലോ “

“ ഇല്ല കളിയാക്കില്ല പോരെ “

“ മ്മ് എന്നാ ഒക്കെ,,, “

അങ്ങനെ ഞങ്ങൾ ഓരോന്ന് പറഞ്ഞ് വീട്ടിൽ എത്തിയത് തന്നെ അറിഞ്ഞില്ല.കാർ വീട്ടിലേക്കു കയറി വീടിന് മുന്നിൽ നിറുത്തിയപ്പോളാണ് വീടെത്തിയെന്ന് ഞാൻ അറിഞ്ഞത്.

“ ഇറങ്ങ് മോളെ വീടെത്തി “ ഉപ്പ പാർക്ക് ചെയ്തിട്ട് ഡോർ തുറന്ന് പുറത്തിറങ്ങി.

“ ഇറങ്ങേച്ചി “ റയ പുറത്തിറങ്ങിയിട്ട് പറഞ്ഞു.

പക്ഷെ ഇവിടെ എത്തിയപ്പോ ഇറങ്ങാൻ എന്തോ മടി തോന്നുന്നു. ആരോ മനസ്സിൽ നിന്നും ഇറങ്ങേണ്ട എന്ന് പറയും പോലെ.