നന്ദന2 | nanthana part 2 |~

Author : Rivana | previous part നന്ദന

വായിക്കുന്ന ഓരോരുത്തരോടും എനിക്കൊന്നേ പറയാനുള്ളു ഇഷ്ട്ടായാൽ മാത്രം ഒരു ലൈക് എനിക് തന്നൂടെ അതെല്ലേ ഞാൻ ആഗ്രഹിക്കുന്നുള്ളു.

“ മെ ഐ കമിങ് മിസ്സ്‌ “ ടീച്ചറോട് ഞാൻ ബഹുമാനത്തോടെ ഉള്ളിലേക്കു കയറട്ടെ എന്ന് ചോദിച്ചു.

“ എസ് കം ഇൻ “.
ഞാൻ ചോദിച്ചത് കേട്ടതും മിസ്സ്‌ എന്നെ നോക്കി പുഞ്ചിരിയോടെ ഉള്ളിലേക്കു കയറാൻ അനുവാദം തന്നു.

ഞാനും തിരിച്ചൊരു പാൽ പുഞ്ചിരി കൊടുത്തു.

ലോകത്തുള്ള ദൈവങ്ങളെ എല്ലാം മനസറിഞ്ഞ് വിളിച്ചു കൊണ്ട് ചോദ്യ പേപ്പറിൽ ഉള്ള ചോദ്യങ്ങൾക്ക് എല്ലാ ഉത്തരവും അറിയണമെന്നും ഈസി ആയിരിക്കണമെന്നും പ്രാർത്ഥിച്ചു കൊണ്ട് വലത് കാൽ വച്ചു തന്നെ ഞാൻ ക്ലാസ്സിന് ഉള്ളിലേക്കു കയറി .

ഓരോ ഡെസ്ക്കിലും രണ്ടറ്റങ്ങളിലായി ക്ലാസ്സിലെ റോൾ നമ്പർ നനഞ്ഞ ചോക്ക് കൊണ്ട് എഴുതി വച്ചിട്ടുണ്ട്. അതിന്റെ അടിസ്ഥാനത്തിലാണ് ഓരോരുത്തരും ഇരിക്കേണ്ട സ്ഥലം മനസിലാകുന്നത്.

ഞങ്ങൾ ആദ്യമേ ഏത് ഡെസ്കിലാണ് റോൾ നമ്പർ എഴുതിയത് എന്ന് നോക്കി വച്ചിരുന്നു. അത് കൊണ്ട് വല്ല്യ പ്രയാസോന്നും ഇല്ലാണ്ട് നേരെ റോൾ നമ്പർ എഴുതിയ ഡെസ്കിൽ കയ്യിലുള്ളത് വച്ച് എന്റെ സീറ്റിൽ ഇരുന്നു.

ഫ്രണ്ടിൽ നിന്നും മൂന്നാമത്തെ ബെഞ്ചിലെ ജനലിനോട് ചേർന്ന ഭാഗത്താണ് എനിക്ക് സീറ്റ്‌ തന്നിട്ടുള്ളത്.

അതികം താമസിയാതെ ഓരോ കുട്ടികളായി ക്ലാസ്സിലേക് കയറി കൊണ്ടിരുന്നു.

ഞാൻ തല താഴത്തി കണ്ണുകൾ രണ്ടും അടച്ച് മനസ്സിൽ ഇന്ന് പഠിച്ച ഓരോ ഭാഗങ്ങളും റീവൈൻഡ് ചെയ്താലോചിച്ചു കൊണ്ടിരുന്നു. വളരെ സാവധാനം ഒക്കെ ഒന്നോർത്തു.

ഒരു രണ്ടു മൂന്ന് മിനിറ്റ് കഴിഞ്ഞു കാണും. അപ്പോളാണ് ഞാൻ കൈ കുത്തി ഇരുന്നിരുന്ന ഡെസ്ക് ആരോ മുന്നിലോട്ട് നീക്കിയത്.

പെട്ടെന്നൊരാൾ ഡെസ്ക് നീക്കിയപ്പോൾ ഞാൻ ഞെട്ടി ഉണർന്ന് മറുതലയ്ക്കലെക്ക്‌ നോക്കി. മറുതലക്കൽ ഡെസ്കിൽ കയ്യും വച്ചു കൊണ്ട് ഒരു പയ്യൻ നില്കുന്നത് അപ്പോഴാണ് ഞാൻ ശ്രദ്ധിച്ചത്. അവന് എനിക്കൊരു ചിരിയും തന്നിട്ട് അവന്റെ സൈഡിൽ ബെഞ്ചിൽ ഇരുന്നു. എന്നിട്ട് അവന് അടുത്തേക്കായി ഡെസ്ക് നീക്കി ഇടുകയും ചെയ്തു.

ഡെസ്കും ബെഞ്ചും അടുപ്പിച്ചത് കൊണ്ട് ഉള്ളിലേക്കു കയറാൻ പറ്റാത്തതിനാൽ ആകാം അവൻ ഡെസ്ക് മുന്നിലേക്കു നീക്കി ഇട്ട് കയറിയത്.

ഇവനെ സ്കൂളിൽ വച്ചു ഇടക്ക് ഒക്കെ കാണാറുണ്ട്. പക്ഷെ സംസാരിക്കാൻ നിന്നിട്ടില്ല. ഇവനും ഞങ്ങളുടെ കൂടെ പത്തിൽ തന്നെയാണ്. പക്ഷെ വേറെ ക്ലാസ്സിൽ ആണെന്ന് മാത്രം.

ആദ്യം അവനെ കണ്ടതിന് ശേഷം ഞാൻ ജനൽ വഴി പുറത്തേക്ക് നോക്കാനും ഇടക്ക് ബോർഡിലേക് നോക്കി ഇരിക്കാനും തുടങ്ങി.