നന്ദന 2[Rivana] 143

“ സ്കൂൾ വിട്ട് വന്ന പാട, എന്നിട്ട് കയ്യും മൊഖോം കഴുകാതെയാണ് അതെടുക്കുന്നെ. നന്ദൂട്ടി ആദ്യം പോയി കുളിച്ചിട്ട് വാ “

ഞാനതിനൊരു ചമ്മിയ ചിരി ചിരിച്ചു.

“ അച്ഛാ പിന്നെ ഇന്ന് വേറൊരു സംഭവം ഉണ്ടായി “

“ ആദ്യം നീ പോയി കുളിച്ചിട്ട് വാ, എന്നിട്ട് നമുക് ഇരുന്ന് സംസാരിക്കാം. മ്മ് പോ ചെല്ല് “ അച്ഛന്റെ ഓർഡർ വന്നതും ഞാൻ നല്ല കുട്ടിയായി കുളിമുറിയിൽ പോയി ഫ്രഷായി വന്നു. വീട്ടിൽ ഇടുന്ന ഒരു മിഡിയും ടോപ്പും ഇട്ട് ഡേയ്‌നിംഗ് ഹാളിലേക്കു വന്നു.

“ അച്ഛാ ചായ “ അവിടെ ടിവി കണ്ടോണ്ടിരിക്കുന്ന അച്ഛനെ വിളിച്ചു പറഞ്ഞു.

“ ഫ്രഷായി വന്നോ എന്നാ വാ നമുക് ചായ കുടിക്കാം “ എന്നെയും വിളിച്ചു അടുക്കളയിലേക് നടന്നു.

അടുക്കളയിലെ ടേബിളിലേക് ചായയും ക്ലാസ്സും പിന്നെ പയമ്പൊരി ഇട്ട് വച്ച കാസ്റോളും എടുത്ത് വച്ച് ഞാനിരിക്കുന്നതിന് തൊട്ടടുത്ത് അച്ഛനും ഇരുന്നു.

എന്നിട്ട് ഞങ്ങൾ രണ്ടാളും ഒരുമിച്ചിരുന്ന് കഴിക്കാൻ തുടങ്ങി.

“ അല്ല നീ എന്താ എന്നോട് നേരത്തെ പറയാൻ വന്നത് “. അച്ഛൻ ഞാൻ നേരത്തെ പറയാൻ വന്ന കാര്യം ഓർമ പെടുത്തി.

“ ആ അച്ഛാ ഞാനത് പറയാൻ വിട്ടു. ഇന്ന് എക്സാം ഹാളിലെ എന്റെ കൂടെ ഒരു പയ്യനായിരുന്നു കേട്ടോ ഇരിന്നിരുന്നേ… “ എന്നിട്ട് ഇന്ന് ഉണ്ടായ കാര്യങ്ങൾ മൊത്തമായി അവൻ കോപ്പി അടിക്കുന്നതും ഞാൻ വായും പൊളിച്ചു നോക്കി ഇരുന്നതും എല്ലാം കുറച്ചു എരിവും പുളിയും ഒക്കെ ചേർത്ത് ചായ കുടിക്കുന്നതിനോട് ഒപ്പം തന്നെ അച്ഛനോട് പറഞ്ഞു.

“ ആഹാ അവൻ കൊള്ളാലോ, ആളൊരു ജഗ ജാല കില്ലാഡി തന്നേ. ഇത്രക്കും ധൈര്യമോ അവനാളൊരു സംഭവം തന്നേ “ അച്ഛൻ അതൊരു അത്ഭുതതോടെയാണ് പറഞ്ഞത്. അച്ഛൻ ഈ പറയുന്നത് എന്നെ കളിയാകുകയാണോ അതോ കാര്യായിട്ടാണോ ഏയ് കളിയാകുക ആവില്ല കാര്യായിട്ട് തന്നെ ആകും ( ഞാനിത് മനസ്സിൽ പറഞ്ഞതാട്ടോ ).

“ ഓ ഒരു ജഗ ജാല കില്ലാഡി. കോപ്പി അടിച്ചു ഇപ്പൊ ആർക്കും ജയിക്കാം പക്ഷെ പഠിച്ചു ഫുൾ മാർക്ക് വാങ്ങുന്നതിലാണ് അന്തസ് “ ഞാൻ അച്ഛൻ ഇഷ്ട്ട പെടാത്ത പോലെ പറഞ്ഞു.

“ അതൊക്കെ പോട്ടെ നീ ഇത് വരേ അവന്റെ പേര് പറഞ്ഞില്ല “

തുടരും…

സ്റ്റോറി ബൈ റിവാന ?

വായനക്കാരെ എനിക് നിങ്ങളിൽ നിന്ന് കുറച്ചു കാര്യങ്ങൾ അറിഞ്ഞാൽ കൊള്ളാമെന്നുണ്ട്

എനിക് കഥ എഴുതാൻ തീരെ അറിയാത്ത ഒരുവളാണ് ഞാൻ ആകെ കവിതയും പാട്ടും എഴുതി ശീലം ഉള്ള ഞാൻ ഒരു സാഹസത്തിന് മുതിർന്നാണ് രണ്ട് ചെറു കഥകൾ എഴുതിയത്. അതിന് ഞാൻ പ്രതീക്ഷിച്ചതിലും നല്ല അഭിപ്രായം കിട്ടി അതിന്നെല്ലാവരോടും നന്ദി പറയുന്നു.

ചെറു കഥകൾ എഴുതിയ ഒരു ബലത്തിലാണ് ഒരു തുടർകഥ എഴുതുന്നെ അതിനാലാണ് നിങ്ങടെ സഹായം വേണമെന്ന് പറയുന്നത്.