നന്ദന 2[Rivana] 143

എന്റെ അച്ഛന്റെ പേര് അജയൻ എന്നണുട്ടോ.

“ നിനക്ക് കണ്ടൂടെ ഞാൻ എന്താണ് ഉണ്ടാകുന്നെതെന്ന്, എന്നെ ഓട്ടത്തെ അങ്ങ്‌ മാറി നിന്നെ അച്ഛന്റെ മോൾ നിന്റെ മേലുള്ള വിയർപ്പും ചെളിയും കുളിച്ചു വന്ന എന്റെ മേലിൽ ആകല്ലേ പെണ്ണെ “ അച്ഛൻ നേന്ത്ര പഴം സ്ലൈസ് ആക്കി മുറിച്ചു മൈദ മാവിൽ മുക്കി എണ്ണയിൽ പൊരിച്ചു പഴമ്പൊരി ഉണ്ടാകുന്ന തിരക്കിലാണ്.

അച്ഛൻ അങ്ങനെ പറഞ്ഞതും അച്ഛന്റെ വലത് സൈടിലേക് മാറി നിന്നു.

“ എന്റെ മേൽ ചെളി ഒന്നൂല്യ “ ചുണ്ട് കൊണ്ട് ഗോഷ്ട്ടി കാണിച്ചു കൊണ്ട് ഞാൻ പറഞ്ഞു.

“ അപ്പോയെക്കും പിണങ്ങിയോ, ഞാൻ എന്റെ നന്ദുട്ടിയെ ഒന്ന് പിരി കേറ്റാൻ പറഞ്ഞതല്ലേ. ഇങ്ങട്ട് വാടി കാന്താരി “ അച്ഛൻ വലത് കൈകൊണ്ടെന്നെ
ചേർത്ത് പിടിച്ചോണ്ട് പറഞ്ഞു.

അതിന് ഞാൻ നല്ലൊരു ഇളി പാസാക്കി.

“ എന്നിട്ട് പറ എങ്ങനെ ഉണ്ടായിരുന്നു ഇന്നത്തെ എക്സാം “

“ എക്സാം ഒക്കെ നന്നായിരുന്നു അച്ഛാ ഞാൻ പഠിച്ചതിൽ നിന്ന് തന്നെയാണ് എല്ലാ ചോദ്യവും വന്നേ. പക്ഷെ രണ്ടു ചോദ്യങ്ങൾക് ഉത്തരം എഴുതാൻ പറ്റീല “ ഞാൻ ഉള്ളിലുള്ള വിഷമം മറച്ചു വെക്കാതെ അച്ഛനോട് പറഞ്ഞു. ആ വിഷമം എന്റെ മുഖത്ത് നിഴലിച്ചിരുന്നു.

“ എത്ര മാർക്കിന്റെയ ന്റെ നന്ദൂട്ടി ഒഴിച്ചു വിട്ടേ “
അച്ഛൻ എന്റെ തലയിൽ തലോടി കൊണ്ട് ചോദിച്ചു.

“ രണ്ട് മാർക്കിന്റെ “ അതെ വിഷമത്തോടെ പറഞ്ഞു.

“ അയ്യേ രണ്ടു മാർക്കിന്റെ രണ്ട് ചോദ്യങ്ങളുടെ ആൻസർ എഴുതാൻ പറ്റാത്തതിനാണോ ന്റെ കാന്തരീടെ മുഖം വാടിയിരിക്കുന്നെ, മോശം മോശം “ അച്ഛൻ എന്നെ കളിയാക്കി കൊണ്ട് പറഞ്ഞു.

“ ആ രണ്ടിന്റേം അൻസർ എനിക്കറിയായിരുന്നു, അതുരണ്ടും എഴുതീർന്നേ ചെലപ്പോ എനിക്ക് ഫുൾ മാർക്ക് കിട്ടിയേനെ “

“ എടി പൊട്ടി കാളി നീ ഈ ഫുൾ മാർക് വാങ്ങാൻ ഇത് ആനുവൽ എക്സാം അല്ലല്ലോ ക്രിസ്മസ് പരീക്ഷയല്ലേ “

“ എന്നാലും അച്ഛാ… “ ഞാൻ പറയാൻ പോകുന്നെൻ മുന്നേ അച്ഛൻ കൈകൊണ്ട് വേണ്ടെന്ന് തടഞ്ഞു.

“ നീ ഈ പരീക്ഷക്ക് ഫുൾ മാർക് വാങ്ങി എവിടെ കൊണ്ടു വെക്കാനാണ്. ഈ ഫുൾ മാർക് വാങ്ങുന്നേൽ ഒന്നും കാരല്യ. എന്റെ നന്ദൂട്ടി എക്സാമിൽ ഒക്കെ ജസ്റ്റ് പാസായാലും ഈ അച്ഛനൊരു കുഴപ്പവും ഇല്ല. ഇനീപ്പോ നീ രണ്ടു മൂന്ന് വിഷയത്തിൽ പോയാലും അച്ഛൻ സന്തോഷേ ഉള്ളു “ അച്ഛൻ എന്നെ ഇടം കണ്ണിട്ട് നോക്കി ഒരാക്കിയ ചിരി ചിരിച്ചോണ്ട് പറഞ്ഞു.

“ തേ അച്ഛാ വേണ്ടാത്തത് പറഞ്ഞാലുണ്ടല്ലോ, ഹാ… “ ഞാൻ അച്ഛനെ നോക്കി ഭീഷണിയുടെ സ്വരത്തിൽ പറഞ്ഞു.

അച്ഛൻ അയിൻ ഒരു കള്ള ചിരി ചിരിച്ചു.

അപ്പോഴാണ് ഞാൻ കസോറോളിൽ ഇട്ടിട്ടുള്ള പഴമ്പൊരി ശ്രെദ്ധിക്കുന്നേ. ഞാൻ അതിൽ ഒരെണ്ണം എടുക്കാൻ കയ്യിട്ടതും അച്ഛൻ വേദനിക്കാത്ത വിധം എന്റെ കയ്യിനൊരടി തന്നു.