പ്രിയപ്പെട്ട കൂട്ടുകാരെ…,

 

ഈ ഭാഗം പറഞ്ഞതിലും നേരത്തെ ഞാൻ എത്തിക്കുകയാണ്….ഇനിയുള്ള ഭാഗങ്ങളും പരമാവധി നേരത്തെ എത്തിക്കാൻ ശ്രമിക്കാം… എന്റെ ഈ കുഞ്ഞുകഥയെ ഇഷ്ടപ്പെട്ടതിനും സ്നേഹം നിറഞ്ഞ വാക്കുകൾ സമ്മാനിച്ചതിനും എന്റെ ഹൃദയം നിറഞ്ഞ നന്ദി….

 

സ്നേഹപൂർവ്വം

MR.കിംഗ് ലയർ

          >>>>>>>>>>>>>>⭕️<<<<<<<<<<<<<<<

ദീപങ്ങൾ സാക്ഷി – 3

Deepangal sakshi  -3 | Author : MR. കിംഗ് ലയർ

          >>>>>>>>>>>>>>⭕️<<<<<<<<<<<<<<<

തുടരുന്നു……..

***************************************************

മൂന്ന് മാസങ്ങൾക്ക് മുൻപ്……

പാവത്തിനെ ഒരുപാട് വേദനിപ്പിച്ചു ഞാൻ… ആദ്യമാത്രയിൽ കണ്ടപ്പോൾ തന്നെ ആദീയെ ഒരുപാട് ഒരുപാട് ഇഷ്ടമായതാണ്….അവന്റെ തിളക്കമാർന്ന മിഴികളിലെ കുസൃതി… അവന്റെ നറുപുഞ്ചിരി….എന്തോ ചെക്കന്റെ ഓരോ ഭാവങ്ങൾ പോലും എന്നെ പുളകം കൊള്ളിച്ചു….അവനെക്കാളും ഒന്നുരണ്ട് വയസ്സ് മൂത്തതാണെന്ന് അറിഞ്ഞിട്ടും അവനോട് തോന്നിയ അനുരാഗം ഒരു തരിപോലും കുറഞ്ഞില്ല….ക്ലാസ്സിലേക്ക് പോകുന്നത് തന്നെ അവനെ കാണാൻ എന്നായിമാറി….അവന്റെ താലി എന്റെ കഴുത്തിൽ അണിയുന്നതും സ്വപ്നം കണ്ട് നടക്കുന്നതിന്റെ ഇടയിൽ ആണ്….ആദീയുടെ ഏട്ടന്റെ ആലോചന എനിക്ക് വരുന്നത്….മനസ്സ് നിറയെ ആദീ ആയിരുന്നിട്ടും അച്ഛനെ ധിക്കരിക്കാനുള്ള ശക്തി ഇല്ലാത്തത് കൊണ്ടാണ് സമ്മതം അറിയിച്ചത്….. ഹൃദയത്തിൽ പ്രതിഷ്ടിച്ച ആദീയെ ചങ്ക് പിളരുന്ന വേദനയോടെ ഞാൻ മനഃപൂർവം മറന്നു….” അച്ഛൻ ” എന്നെ പൊന്നുപോലെ നോക്കി വളർത്തിയ ആ മനുഷ്യന്റെ മനസ്സ് വേദനിപ്പിക്കാൻ തോന്നിയില്ല….എന്റെ ഇഷ്ടം നേരത്തെ അച്ഛനോട് പറഞ്ഞിരുന്നെങ്കിൽ അച്ഛൻ സമ്മതിച്ചേനെ പക്ഷെ ധൈര്യം ഉണ്ടായില്ല…!

വിവാഹം ഉറപ്പിച്ചെങ്കിലും ആദീയുടെ ഏട്ടൻ ആണ് ആഘോഷ് എന്ന് വൈകിയാണ് ഞാൻ അറിഞ്ഞത്… വീണ്ടും നൊമ്പരപ്പൂക്കൾ ഹൃദയത്തിൽ പെയ്തിറങ്ങാൻ തുടങ്ങിയ നിമിഷം ആണ് ആഘോഷിൽ നിന്നും ആദീയെ കുറച്ചു ഞാൻ അറിഞ്ഞത്…

“””അഞ്ജലി….ആദീ എന്റെ അനിയൻ ഒക്കെ തന്നെയാണ്  പക്ഷെ… അവന്റെ അത്രയും മോശം സ്വഭാവം ഉള്ള ഒരാളെയും ഞാൻ എന്റെ ലൈഫിൽ കണ്ടിട്ടില്ല….അത്രത്തോളം വൃത്തികെട്ടവൻ ആണ് അവൻ..”””

ഒരിക്കൽ എന്നെ കാണാൻ കോളേജിൽ വന്നപ്പോൾ എന്നോട് പറഞ്ഞതാണ് അയാൾ….പിന്നീട് പലപ്പോഴും അയാൾ ആദീയെ കുറച്ചു ഓരോന്ന് പറയാൻ തുടങ്ങി….സ്വന്തം ഏട്ടൻ അങ്ങനെയൊക്കെ പറയണണമെങ്കിൽ അത് സത്യമായിരിക്കണ്ടേ….എന്നാലും എനിക്ക് അവനോട് വെറുപ്പൊന്നും തോന്നിയില്ല പക്ഷെ അവസാനം അവനെ കുറച്ചു പറഞ്ഞപ്പോൾ ഞാൻ ശരിക്കും അവനെ വെറുത്തു….

“””അഞ്ജലിക്ക് അറിയോ….പ്രായപൂർത്തി ആകാത്ത ഒരുപെണ്ണിനെ പ്രണയം നടിച്ചു ശാരീരികമായി ഉപയോഗിച്ച് അവളെ ഗർഭിണി ആക്കി … ശേഷം അവൾ ആത്മഹത്യാ ചെയ്‌തു… അത് ഒതുക്കി തീർക്കാൻ എത്ര ലക്ഷം ആണ് അച്ഛൻ പൊട്ടിച്ചത്… “”””

അയാൾ എന്റെ മുഖത്ത് നോക്കി ഗൗരവത്തോടെ പറഞ്ഞു…