ദി ഡാർക്ക് ഹവർ 14 {Rambo} 1816

രാത്രിയോടെ ഡോക്ടർ വന്നുപോവുകയും അവസ്ഥയിൽ മാറ്റമില്ലെങ്കിൽ പിറ്റേന്ന് ഹോസ്പിറ്റലിലെത്തിക്കാനും അവർ നിത്യയോട് പറഞ്ഞു..

നന്നായി പരിശോധിച്ചെങ്കിലും ഒന്നും അവർക്ക് മനസ്സിലായിരുന്നില്ല.. എല്ലാം നോർമൽ തന്നെയായിരുന്നു…
പിന്നെ പ്രത്യേകിച്ചുഒരു കുഴപ്പവും കാണാത്തതുകൊണ്ട് മരുന്നും കൊടുത്തില്ല..

അന്ന് രാത്രിയിലും നിത്യ തന്നെയാണ് അവന് കൂട്ടിരുന്നത്…

ഇടക്കവൻ എന്തൊക്കെയോ പറയുന്നുണ്ട്…
അതൊക്കെ കേട്ട് ചിരിച്ചും…പിന്നീട് അതൊക്കെ ഫോണിൽ പകർത്തുകയും ചെയ്തു…

“”ബ്ലാക്ക്‌മേൽ ചെയ്യാൻ പറ്റിയ ഐറ്റം…

ഹ..ഹ..ഹാ…..

നിന്നെ ഞാൻ..ശരിയാക്കി തരാമെടാ ജോണിക്കുട്ട…!!!

അയ്യയ്യോ….ജോക്കുട്ട..!!!

അതുമതി…”””
അബദ്ധം പിണഞ്ഞതുപോലെ നിത്യ സ്വയം പറഞ്ഞു..

അവൾ അവന്റെ മുഖത്തോടുമുഖം നോക്കി ഒരു പുതപ്പിനുള്ളിൽ കിടക്കവേ..ജോണിന്റെ കരങ്ങൾ പതിയെ അവളെ വരിഞ്ഞു..

“”അമ്പട…

ഉറക്കത്തിലാണെങ്കിലും എന്നെ നിനക്ക് വേണം…അല്ലെടാ…””

കുസൃതിചിരിയോടെ അവന്റെ മൂക്ക്പിടിച്ചുകൊണ്ട് നിത്യ പറഞ്ഞു..

അതിനു മറുപടിയെന്നപോലെ അവന്റെ മുഖത്തൊരുചിരി വിടർന്നു..
എന്നിട്ട് അവളുടെ നെറ്റിതടത്തിൽ ചുണ്ടുകൾ ചേർത്തുവെച്ചു…

“”ലവ് യു….””
ജോണിന്റെ മധുരമേറിയ വാക്കുകൾ.. നിത്യയുടെ കാതുകൾക്ക് കുളിർമ്മയേകി ഒഴുകിയെത്തി..

“”എടാ…

നീ ഉറങ്ങുവാണോ…അതോ ബോധത്തോടെയാണോ…??””

അതിനും മറുപടിയായി ഒന്നു പുഞ്ചിരിച്ചശേഷം… അവളുടെ കണ്ണുകളിൽ അവൻ ചുംബിച്ചു..

“”ഹമ്മ്….

അപ്പൊ ബോധമുണ്ടല്ലേ…””

തിരിച്ചും അവന്റെ നെറ്റിയിലവൾ ചുംബനം നൽകി..