ദിവ്യാനുരാഗം 2 ❤️ [Vadakkan Veettil Kochukunj] 408

” ഡാ വണ്ടിടെ ലോണിൻ്റെ പൈസയുണ്ട് തൽക്കാലം അത് എടുക്കാം…ബാക്കി നമുക്ക് പിന്നെ നോക്കാം… എന്തായാലും ആശുപത്രി ചെലവും വണ്ടിയുടേയും ഒക്കെ കൂടി കോളേജിന്ന് ഒരുതുക എന്തായാലും പിരിക്കണം… തൽക്കാലം നീ ഇത് കൊണ്ടുപോയി കൊടുക്ക്…”

അതും പറഞ്ഞ് പേഴ്സിന്ന് പൈസയും കൊടുത്ത് അവനേയും പറഞ്ഞ് വിട്ട് ഞാൻ അവരുടെ അടുത്തേക്ക് തിരിച്ച് വന്ന് അവൻ്റെ അമ്മയോട് സംസാരിക്കാൻ തുടങ്ങി… അപ്പോഴേക്കും സമയം ഏതാണ്ട് വൈകുന്നേരം ആവാറായിരുന്നു…

” ഗിരിജാൻ്റി എന്തായാലും മൂന്നാഴ്ച്ച ഇവിടെ കിടക്കേണ്ടിവരും… അത് ഞങ്ങൾ നിന്നോളും.. ”

ഞാൻ പിള്ളേരെ ചൂണ്ടിക്കാണിച്ച് പറഞ്ഞു

” വേണ്ട മോനേ…അതെങ്ങനെ ശരിയാവും ഞങ്ങള് നിക്കാം…”

” ആൻ്റി നീതുവിന് കോളേജ് പോകേണ്ടതല്ലേ… ഇവിടെ നിന്നെങ്ങനാ…ഫൈനൽ ഇയർ അല്ലെ… എക്സാം അടുത്തുണ്ട് അതുകൊണ്ട് ഞാൻ പറയുന്നത് കേൾക്ക് രാവിലെ കോളേജിൽ പോകുമ്പോൾ നീതു ആൻ്റിയെ ഇവിടെ ഇറക്കട്ടെ എന്നിട്ട് കോളേജ് വിട്ട് വൈകിട്ട് ഇവിടെ വന്ന് രണ്ടാളും വീട്ടിലേക്ക് തിരിച്ചോ… രാത്രി എന്തായാലും ഞങ്ങൾ ഇവിടെ നിൽക്കാം…”

ഞാൻ രണ്ടുപേരോടുമായി വീണ്ടും വ്യക്തമാക്കി പറഞ്ഞു

” വേണ്ട മക്കളെ നിങ്ങൾക്കത് ബുദ്ധിമുട്ടാണ്… നിങ്ങൾ എങ്ങനാ ഇവിടെ… ”

കാര്യങ്ങൾ ഏതാണ്ടൊക്കെ പറഞ്ഞു കൊടുത്തിട്ടും ബുദ്ധിമുട്ട് ഉണ്ടാകും എന്ന് കരുതിയാണ് പുള്ളിക്കാരി അങ്ങനെ വീണ്ടും പറഞ്ഞത്… അപ്പോഴാണ് ശ്രദ്ധ തനിക്ക് നാളെ മുതൽ നൈറ്റ് ഡ്യൂട്ടി ആണെന്ന് കൂടി പറഞ്ഞത്… അതു കേട്ടപ്പോൾ ഞാൻ ആൻ്റിയോട് വീണ്ടും തുടർന്നു..

” അപ്പോൾ പിന്നെ പ്രശ്നമില്ലല്ലോ സഹായത്തിന് ശ്രദ്ധയുണ്ടല്ലോ ആൻ്റി… പിന്നെ ഞങ്ങൾക്കാണോ ബുദ്ധിമുട്ട്.. അവൻ ഞങ്ങടെ കൂടപിറപ്പല്ലേ… കോളേജിൽ രാത്രി സ്റ്റേ ചെയ്യുമ്പോ വരാന്തയിലും മറ്റും കിടന്നുറങ്ങുന്ന ഞങ്ങക്ക് ഇതൊക്കെയാണോ പ്രശ്നം… ആൻ്റി ധൈര്യായിട്ട് വീട്ടിൽ ചെല്ല് എന്നിട്ട് നാളെ വാ അപ്പോഴേക്കും അവനെ റൂമിലേക്ക് മാറ്റും… ”