ദക്ഷാർജ്ജുനം 13 [Smera lakshmi] 215

ഒരു വ്യക്തി മരിക്കുമ്പോ ആത്മാവ് മരിക്കുന്നില്ല… ആ ആത്മാവ് രണ്ടായി തിരിഞ്ഞ് നമ്മൾ അറിയാത്ത ഏതോ ഒരു ഉയർന്ന ശക്തിയുടെ അടുത്തേക്ക് പോകുന്നു… അതായത്‌ ഒരു ആത്മാവ് രണ്ടായി തിരിഞ്ഞ്, അവർ ചെയ്ത നന്മ ഒരു ഭാഗമായി മാറുകയും.. പിന്നെ അവർ ചെയ്ത തിന്മ മറ്റൊരു ഭാഗമായി മാറുകയും ചെയ്യുന്നു…
‘നന്മ’ സന്തോഷം അനുഭവിക്കാനും ‘തിന്മ’ ശിക്ഷ അനുഭവിക്കാനും വേണ്ടിയാണ് ഇങ്ങനെ രണ്ടായി തിരിഞ്ഞത്.

ഈ തിന്മ എന്നത് — കോപം, വെറുപ്പ്, വൈരാഗ്യം, പ്രതികാരം എന്നൊക്കെയാണ്.

സാധാരണ പുനര്‍ജ്ജന്മം എന്നത്: നേരത്തെ മരിച്ച വ്യക്തിയുടെ ആത്മാവ് മറ്റൊരു ശരീരത്തിൽ ജനിക്കുന്നു എന്നതാണ് (അതായത് മേല്‍ പറഞ്ഞ ആ രണ്ട് ഭാഗവും (നന്മ തിന്മ) ഒരേ സമയത്ത് പുതിയൊരു ശരീരത്തിൽ കുടിയേറി ഒരു കുഞ്ഞായി ജനിക്കുന്നു) ആ പുതിയ വ്യക്തിക്ക് തനിക്ക് സംഭവിച്ച പഴയ കാര്യങ്ങൾ എല്ലാം ഓര്‍മ വരണം എന്നില്ല…

പക്ഷേ ദുര്‍മരണം അടഞ്ഞ ആത്മാവ് പ്രതികാര ദാഹിയായി മാറിയാല്‍… അതിന്റെ ‘തിന്മ’ എന്ന ഭാഗത്തിന് അസാമാന്യ ശക്തി ലഭിക്കും. അപ്പോൾ ആ ആത്മാവിന്റെ ‘നന്മ’ എന്ന പകുതി ഭാഗം മാത്രമായിരിക്കും പുതിയൊരു ശരീരത്തിൽ പ്രവേശിച്ച് ഒരു കുഞ്ഞായി ജനിക്കുക… ‘തിന്മ’ അപ്പോഴും തനിച്ച് നില്‍ക്കും.

അങ്ങനെ, പ്രതികാരം ചെയ്യാൻ ‘ദക്ഷ’ എന്ന പകുതി ആത്മാവ് ഇപ്പോഴും തനിച്ച് നില്‍ക്കുന്നു..

മറ്റെ പകുതി ആത്മാവ് ‘ലച്ചു’ എന്ന സാധാരണ മനുഷ്യനായി പുനര്‍ജ്ജനിച്ചു.
അപ്പോ ദക്ഷയുടെ ആത്മാവ് ലച്ചു വിൽ പ്രവേശിക്കുന്നത് സ്വാഭാവികം.

ഇത് എന്റെ മാത്രം സിദ്ധാന്തം ആണ്..
ഇഷ്ട്ടപെടാത്തവർ എന്നോട് ദയവായി ക്ഷമിക്കുക.