ദക്ഷാർജ്ജുനം 10 [Smera lakshmi] 301

?????????????????

 

“മാളികപ്പുരയ്ക്കലെ ഡൈനിങ്ങ് ടേബിളിൽ ഇരുന്ന് ബ്രേക്ക്ഫാസ്റ്റ് കഴിച്ചുകൊണ്ടിരിക്കുകയാണ് വൈദവും വേദയും ആനന്ദും.”

 

സീത അവർക്ക് ചായ കപ്പിലേക്ക് പകർന്നു കൊടുത്തു.

ആനന്ദും വൈദുവും എന്തോ സംസാരിക്കുന്നുണ്ട്.

 

അപ്പോഴാണ് ശേഖരൻ(ആനന്ദിന്റെ അച്ഛൻ)

അങ്ങോട്ട് വന്നത്. 

 

“അച്ഛൻ വരുന്നത് കണ്ട് ആനന്ദ് പെട്ടന്ന് സൈലന്റായി കഴിക്കാൻ തുടങ്ങി.”

 

ഗൗരവത്തോടെ എല്ലാവരെയും ഒന്നു നോക്കിക്കൊണ്ട് ശേഖരൻ ചെയറിലിരുന്നു.

സീത ശേഖരന് കഴിക്കാൻ എടുത്തുവച്ചു.

 

“വൈദു….വേദാ…. നിങ്ങൾക്ക് ഇന്ന് തന്നെ പോകണോ?

ഞാൻ സ്വാമിനാഥനെ വിളിച്ചു പറയാം.”

 

ശേഖരൻ അവരോട് ചോദിച്ചു.

 

“പോകണം അങ്കിൾ,കല്യാണം അടുത്തുവന്നില്ലേ.

ഒരുപാട് കാര്യങ്ങൾ ചെയ്തുതീർക്കാനുണ്ട് അവിടെ അച്ഛൻ മാത്രമല്ലേ ഉള്ളൂ….

ഞാനില്ലെങ്കിൽ ഒന്നും ശരിയാവില്ല.”

 

“വിവാഹം കഴിഞ്ഞ് ഞാനും വേദയും വരാം.”

വൈദു വിനയത്തോടെ പറഞ്ഞു.

 

“ഹ്മ്മം…. ശരി,എങ്കിൽ അങ്ങനെയാകട്ടെ.”

 

അപ്പോൾ ആനന്ദ് വേഗം കഴിച്ച് എണീറ്റു.

 

ശേഖരൻ അവനെ ഒന്നുനോക്കി.

 

അതുകണ്ട് സീത പറഞ്ഞു.

അവനിന്ന് നേരത്തെ ഇറങ്ങണം എന്ന് പറഞ്ഞിരുന്നു.

 

ഹ്മ്മം…

ശേഖരൻ ഒന്നമർത്തി മൂളി.

 

സീത വേഗം ആനന്ദിന്റെ മുറിയിലേക്ക് നടന്നു.

 

ആനന്ദേ നീ പോകാൻ റെഡിയായോ.

 

റെഡിയായി അമ്മാ.

വൈദുവും വേദയും എന്റെ കൂടെ ഇറങ്ങാണെന്നു പറഞ്ഞു.

അച്ഛൻ പോയോ?

 

ആനന്ദ് ചോദിച്ചു.

 

“ഇല്ല ഇറങ്ങിയിട്ടില്ല, ഇന്ന് കുറച്ച് കഴിഞ്ഞേ ഇറങ്ങൂ.

ആരോ കാണാൻ വരുന്നുണ്ടെന്ന് പറഞ്ഞു.”

 

അല്ല അതൊക്കെ അവിടെ നിൽക്കട്ടെ,എനിക്ക് നിന്നോട് വേറെ ഒരു കാര്യം പറയാനുണ്ട്.

 

സീത ഗൗരവത്തോടെ ആനന്ദിനോട് പറഞ്ഞു.

 

“എന്താമ്മ അമ്മയ്ക്കെന്താ ഇത്ര ഗൗരവം.”

 

അവൻ സീതയുടെ കവിളിൽ നുള്ളികൊണ്ട് ചോദിച്ചു.

 

“തമാശ കളയ് ആനന്ദേ….

നിനക്കും വൈദുവിനും ഒരേ പ്രായമാ….ഇപ്പോൾ വൈദുവിന്റെ വിവാഹം ആയി.

ഇനി നീ എന്നാ ഒരു വിവാഹത്തിന് സമ്മതിക്കാ.

നീയും മഹാലക്ഷ്മിയും ഇങ്ങനെ പോയാൽ മതിയോ,ഞാൻ അച്ഛനോട് ഒന്ന് സംസാരിച്ചു നോക്കട്ടെ?

എന്താ നിന്റെ അഭിപ്രായം?

അതറിയനാ ഞാൻ ഇങ്ങോട്ട് വന്നത്.”