ഡെറിക് എബ്രഹാം 2 [അഹമ്മദ് ശഫീഖ് ചെറുകുന്ന്] 233

C. I. അലക്സ് കളക്ടർ അനുപമ രഞ്ജിത്തിനോട് പറഞ്ഞു…

“ഓക്കേ.. അലക്സ്… ഇത്തിരി കൂടി കാത്തു നിൽക്കൂ… ഞാനവനോട് വരാൻ പറഞ്ഞിട്ടുണ്ട് ”

“ആരാണ് മാഡം ”

അസിസ്റ്റന്റ് ചാന്ദ്നിയുടെ ചോദ്യത്തിന് ഒന്ന് കാത്തു നിൽക്കാൻ കൈ കൊണ്ട് ആംഗ്യം കാണിച്ചു കൊണ്ട് കളക്ടർ ഫോണെടുത്തു…

“ഹലോ…നീ എത്താനായില്ലേ…പറ്റില്ലെങ്കിൽ പറ….അല്ലെങ്കിൽ വേറെ പണി നോക്കേണ്ടതാണ്…”

കളക്ടർ ഫോൺ വെച്ചു…

“അലക്സ്.. അവൻ എത്തിക്കഴിഞ്ഞു.. അലക്സ് അങ്ങോട്ട് പോയ്ക്കോളൂ ”

ഡ്രീം കേരളയുടെ ഭാഗമായി എറണാകുളത്തെ ലീല കോളനിയിലെ അന്തേവാസികൾക്ക് സ്വന്തമായി വീട് പണിത് കൊടുക്കാനുള്ള പദ്ധതിയുടെ ചുമതല മുഖ്യമന്ത്രി ഏല്പിച്ചത് കളക്ടർ അനുപമയെയാണ്…
വീടുകൾ ഉയർന്നു വരാൻ തുടങ്ങിയപ്പോഴാണ് പുതിയൊരു പ്രശ്നം ഉടലെടുത്തത്…
കഞ്ചാവ്-മയക്കുമരുന്ന് – പീഡന കേസുകളിൽ പ്രതിയായ റൗഡി ഭാസ്കരന് ഇനി ആ കോളനിയിലൊരിടം കൊടുക്കില്ലെന്ന് മന്ത്രിസഭ മുന്നേ തീരുമാനിച്ചതാണ്…
തനിക്ക് കിട്ടാത്ത വീടുകൾ ഇവിടെയാർക്കും വേണ്ടാ എന്നും പറഞ്ഞു കൊണ്ട് വീടുപണി ജോലികൾ തടസ്സപ്പെടുത്തിയിരിക്കുകയാണ് ഭാസ്കരൻ… രമ്യതയോടെ പ്രശ്നങ്ങൾ തീർക്കാൻ C. I. അലക്സും സംഘവും ശ്രമിച്ചെങ്കിലും പരിഹാരം കണ്ടെത്താനായില്ല….ഭാസ്കരന്റെ പിന്നിൽ കുറേ രാഷ്ട്രീയക്കളിയുള്ളത് കൊണ്ട് തന്നെ, ലീഗൽ ആക്ഷൻ എടുക്കുമ്പോൾ തന്നോടും ആലോചിച്ചു വേണമെന്ന് മുഖ്യമന്ത്രിയുടെ ഓർഡർ ഉണ്ട്…അതിന് വേണ്ടി കാത്തു നിൽക്കാനും പറ്റില്ല… ഒരാഴ്ച കൊണ്ട് പണികൾ തീർക്കേണ്ടതാണെന്നുള്ളത് കൊണ്ട് തന്നെ ഉടനെ