ഡെറിക് എബ്രഹാം 13 [അഹമ്മദ് ശഫീഖ് ചെറുകുന്ന്] 188

“അല്ല ആദീ…. നീ ശരിക്കും പൊലീസായോ… അതോ , ഞങ്ങളെ പറ്റിക്കുന്നതാണോ ? ”

“മാമീ… ഈ പെണ്ണെന്താ ഇങ്ങനെ…കാണുമ്പോൾ ഒരു ഷോക്കൊക്കെ ഞാൻ പ്രതീക്ഷിച്ചിരുന്നു…. പക്ഷേ ഇവളിത് ഭയങ്കര ഓവറാക്കുകയാണല്ലോ….”

ഇത് കേട്ടപ്പോൾ മാമിയും ആന്റിയും പൊട്ടിച്ചിരിച്ചു…. ഇത് കണ്ട മീര ആകെ ചമ്മി….അവളുടെ ചമ്മൽ കണ്ടപ്പോൾ ജൂഹിയും കീർത്തിയും അവളുടെ അടുത്തേക്ക് പോയി രണ്ട് ഭാഗത്തുമായി ഇരുന്നു…

“ഞങ്ങളുടെ ചേച്ചിയെ ചീത്ത പറയേണ്ടാ ട്ടോ..ചേച്ചിക്ക് ഒന്നും അറിയാത്തത് കൊണ്ടല്ലേ…”

“ആഹാ.. കാന്താരികൾ ഇവളുമായി നല്ല കമ്പനിയായല്ലോ ആന്റീ…. അന്നൊക്കെ കാണുമ്പോൾ കടിച്ചു കീറലായിരുന്നല്ലോ…”

അത് കേട്ടപ്പോൾ കുട്ടികൾ മീരയുടെ കൈകൾ ഒന്നൂടെ ചേർത്ത് പിടിച്ചു…ഇതൊക്കെ കണ്ടപ്പോൾ മാമിയുടെയും ആന്റിയുടെയും മുഖത്ത് പുഞ്ചിരി വിടർന്നു…

“മോനേ ആദീ…. നീ അവളെ അധികം പറയേണ്ടട്ടോ….
നീ ഇവിടെയുള്ളത് പോലും ആ പാവം അറിഞ്ഞിരുന്നില്ല…കാണുമ്പോൾ പോലീസ് വേഷത്തിലും…
പിന്നെങ്ങനെ വിശ്വസിക്കും ആ പാവം…”

അത് കേട്ടപ്പോഴുള്ള മീരയുടെ നിഷ്കളങ്കമായ നോട്ടം കണ്ടിട്ട് ആദിക്ക് ചിരിയടക്കി നിർത്താനായില്ല…

“ഹഹഹ…അത് ഞാനറിഞ്ഞില്ലാട്ടോ…..
എന്റെ വിചാരം ഞാൻ ഇവിടെയുള്ളതൊക്കെ നിങ്ങൾ പറഞ്ഞിട്ടുണ്ടാകുമെന്നല്ലേ….
സർപ്രൈസൊക്കെ നേരത്തേ പറഞ്ഞുവെന്നല്ലേ ഞാനും കരുതിയത്….