ഡെറിക് എബ്രഹാം 13 [അഹമ്മദ് ശഫീഖ് ചെറുകുന്ന്] 188

എന്നെ നിങ്ങളുടെ മേലുദ്യോഗസ്ഥനായി കാണരുത്…. ഒരു നല്ല സുഹൃത്തായിരിക്കും ഞാൻ നിങ്ങൾക്ക്…നിങ്ങളും അങ്ങനെ തന്നെയായിരിക്കണം…
അങ്ങനെയെങ്കിൽ മാത്രമേ നമുക്കൊരുമിച്ചു ഈ കേസ് മുന്നോട്ട് കൊണ്ട് പോകാൻ സാധിക്കുകയുള്ളൂ….നമ്മൾ തമ്മിൽ റാങ്കിന്റെയോ പ്രൊട്ടോകോളിന്റെയോ അന്തരം ഉണ്ടാവരുത് എന്നർത്ഥം ”

“ഓക്കേ സാർ….”

“അതിനാദ്യം വേണ്ടത് , ഈ സാർ വിളി ഒന്ന് നിർത്തുക..നമ്മളൊക്കെ ഒരുമിച്ചു ഒരേ കാര്യത്തിന് വേണ്ടി പ്രവർത്തിക്കുന്ന സുഹൃത്തുക്കൾ… അത് മാത്രം മതി…
അത് കൊണ്ട് തന്നെ സാർ വേണ്ട….. ഡെറിക്… അത് മതി…”

“ഓക്കേ ഡെറിക്….”

“അതാണ്…..
അപ്പോൾ നമുക്കെല്ലാവർക്കും കൂടി സ്റ്റീഫനെ അങ്ങട് തീർക്കാം…അല്ലേ…? ”

“അതേ…നമ്മൾ തീർക്കും ”

“എന്റെ ജീവിതത്തിൽ ഒരുപാട് നഷ്ടങ്ങൾ ഉണ്ടാക്കിയ ഒരാളാണ് സ്റ്റീഫൻ… അത് കൊണ്ട് സ്റ്റീഫനെ നേരിടുന്നത് വ്യക്തിപരമായ വൈരാഗ്യം തീർക്കലും കൂടിയാണെനിക്ക്…”

“ഡെറിക്…. ഗീതയുടെ അച്ഛനും….”

അജിത്ത് പറഞ്ഞു തുടങ്ങിയത് ഗീത വിലക്കി….

“പറ ഗീതാ… അച്ഛനെന്ത് പറ്റി….?

അവന്റെ നിർബന്ധങ്ങൾക്ക് വഴങ്ങി ഗീത മറുപടി നൽകി…..

“അച്ഛൻ എറണാകുളം സി. ഐ ആയിരുന്നു….. സ്റ്റീഫന്റെ ഗ്യാങിനെതിരെയുള്ള ഒരു ആക്രമണത്തിൽ കൊല്ലപ്പെട്ടു…”

“സി.ഐ.രാമകൃഷ്ണൻ ആണോ ഗീതയുടെ അച്ഛൻ ”

അത് കേട്ടപ്പോൾ നിറഞ്ഞ കണ്ണുകൾ തുടച്ചും കൊണ്ട് അതിശയത്തോടെ ഗീത ഡെറിക്കിനെ നോക്കി…..

“ഡെറിക്കിന് അച്ഛനെ അറിയോ…..? ”