ജെനിഫർ സാം 3 [sidhu] 89

‘ജെനി പ്ലീസ് മതി അന്ന് ഞാൻ അനാർക്കലി സിനിമ കണ്ടിട്ട് നല്ലപോലെ പ്രായവത്യാസമുള്ള ഒരാളെ കെട്ടുന്നതും സ്വപ്‌നം  കണ്ട് നടക്കുവല്ലാരുന്നോ അന്ന് ഒന്നും അറിയാത്ത പ്രായത്തിൽ  നിന്നെ കുറെ കളിയാക്കി  നീ എന്നോട് ക്ഷമിക്ക് .’

 

ഇന്ദ്രൻ ജെനിയുടെ മുൻപിൽ കൈകൂപ്പി നിന്ന് കണ്ണടച്ചു ,ഇടക്ക് ജെനിയുടെ ഭവവത്യാസങ്ങൾ  അവൾ അറിയാതെ നോക്കുന്നുമുണ്ട്  .

 

‘മ്മ് ശെരി ക്ഷമിച്ചു .’

 

‘എനിക്കറിയാമായിരുന്നു നീ സപ്പോർട്ട് ആയിരിക്കുമെന്ന് നീ പൊന്നല്ലെ ജെനിമോളെ .’

 

‘മതി മതി …നിങ്ങൾ എങ്ങനെയാ ഉടനെ  കെട്ടാൻ പ്ലാൻ ഉണ്ടോ ‘

 

‘ഒരു രണ്ട് കൊല്ലം കൂടി കഴിഞ്ഞിട്ടേ ഉള്ളൂ  അതുവരെ ഇങ്ങനെ അടിച്ചുപൊളിക്കുക പിന്നെ ആറ് മാസത്തിനുള്ളിൽ  അവളുടെ കമ്പനിയുടെ ബ്രാഞ്ച് ചേർത്തലയിൽ തുടങ്ങും അപ്പൊ അവൾ ഇങ്ങോട്ട് വരും .’

 

‘ഫുൾ പ്ലാനിങ് ആണല്ലേ കള്ളൻ .അവൾ വന്ന് കഴിഞ്ഞു വേറെ ട്രീറ്റ് ചെയ്യണം .’

 

‘എല്ലാം ചെയാം .’

 

‘അപ്പൊ ശെരി മോനെ ദേ ബസ് ഇപ്പൊ പോവും നീ കേറിക്കോ .’

 

‘ബൈ ഡി .’

ഇന്ദ്രൻ ജെനിയെ കെട്ടിപിടിച്ചു യാത്രചോദിച്ചു .

 

*****

ഇന്ദ്രനെ യാത്ര ആക്കിയ ശേഷം ജെനി ടോണിയുടെ കടയിലേക്ക് പോയി .

 

‘ഡാ ടോണി ആഷ്‌ലി പോയോ .’

 

‘ആ അവൻ പോയി .നിയ വന്നിട്ടുണ്ട് അവൾക്കുള്ള മന്തി എടുത്തുകൊണ്ട് വരാൻ പറഞ്ഞു ‘അമ്മ അവനെ വിളിച്ചിരുന്നു  .’

 

‘ആ നാശം ലാൻഡ് ചെയ്തോ കോപ്പ് .’

 

‘ഇന്നിനി അവളുടെ ശല്യം ഉണ്ടാവില്ല, ഫുഡ് അടിച്ചാൽ ഉടനെ കിടന്നുറങ്ങിക്കോളും, നീ ചെല്ലുമ്പോ ഉറക്കമായിരിക്കും  പക്ഷെ രാവിലെ പണി ആവും .’