ജാനകി.12

Author :Ibrahim

[ Previous Part ]

 

പരിപ്പും പച്ചക്കറിയും കൂട്ടി അത്രയും മടുത്തു പോയി ഞാൻ….

എങ്ങനെയോ ആണ് രണ്ടു ദിവസം അവിടെ നിന്നത്. മൂന്നാമത്തെ ദിവസം നേരത്തെ തന്നെ എണീറ്റ് ഞാൻ പാക്കിങ് തുടങ്ങി..

ജോഗിംഗ് കഴിഞ്ഞു വന്ന അനി ഞാൻ പാക്ക് ചെയ്യുന്നതാണ് കണ്ടു വന്നത്….

നീ പോകാൻ ഒരുങ്ങികയാണോ..

എന്റെ പൊന്നു മോനെ എനിക്ക് മതിയായി.

പണിയെടുത്തു മനുഷ്യന്റെ നടു ഒടിഞ്ഞു…..

അപ്പോൾ മേലനങ്ങാതെ തിന്നാമെന്ന് വിചാരിച്ചാണോ താങ്കൾ ഇങ്ങോട്ട് കെട്ടി എടുത്തത്…

പിന്നെ മേലനങ്ങാതെ തിന്നാൻ കാര്യമായിട്ടല്ലേ ഇവിടെ ഒരുക്കി വെക്കുന്നത്…

ഇനി എന്ത് തന്നെ വന്നാലും ഞാൻ ഇങ്ങോട്ടേക്കില്ല എന്ന് തീർത്തു പറഞ്ഞു..

 

വളരെ സന്തോഷം എന്നും പറഞ്ഞു കൊണ്ട് അവൻ എനിക്ക് നേരെ കൈ കൂപ്പി….

കല്യാണം രജിസ്റ്റർ ചെയ്യാത്തത് കൊണ്ട് വാല്യൂ ഒന്നും ഉണ്ടാവില്ല. ഇനി എന്തെങ്കിലും പ്രശ്നം ഉണ്ടോ എന്ന് ഞാൻ ആരോടെങ്കിലും അന്വേഷിച്ചു വിളിച്ചു പറയാം….

വളരെ സന്തോഷം..

എന്നാ പിന്നെ ഞാൻ ഇറങ്ങട്ടെ എന്നും പറഞ്ഞു കൊണ്ട് ഇറങ്ങാൻ തുടങ്ങി..

പിന്നെ തിരിഞ്ഞു നിന്ന് കഴുത്തിൽ നിന്ന് ഞാൻ താലി മാല ഊരി അവന്റെ കയ്യിലേക്ക് തന്നു..