ചക്ഷുസ്സ് 3 [Bhami] 71

നാട്ടിൽ തന്നെയുണ്ടായിട്ടും പരസ്പരം കാണത്തതിന്റെ പരിഭവങ്ങൾ പിന്നിട് കണ്ണു നീരായാണ് വന്നത്.

 

ഇരുവരും കൈകൾ കൂട്ടി പിടിച്ചു.

“കൈയിലപ്പടി ചളിയ ”  നീ വാ ക്കേറ്….

 

“ശിക മോൾ ?

ഇടറിയ സ്വരം വല്ലാണ്ട് പതിഞ്ഞു പോയ പോലെ അവർക്കു തോന്നി.

 

” അവളും ദീപുവും ക്ഷേത്രത്തിൽ പോയിട്ടുണ്ട് ഇപ്പോ വരും. ” ശാരാമ്മായിയേ കണ്ട് അവൾ ശരിക്കും ഞ്ഞെട്ടും … ”

 

ഇന്ദിര ചായ തിളപ്പികുന്നിടയ്ക്ക് പറഞ്ഞു.

 

” എനിക്കൊന്നും വേണ്ടാ ഇന്ദിരേ ”

“മോളെ ഒന്നും കണ്ടാ മതി… പറയേണ്ടതൊക്കെ പറയണം അറിയേണ്ടതൊക്കെ അറിയണം.”

 

ഇന്ദിര നടുക്കത്തോടെ ശാരിയെ നോക്കി.

 

“അവർ വന്നെന്നു തോന്നുന്നു ….ഞാൻ ഒന്നു നോക്കട്ടെ . ”

അവലാതിയോടെ അവർ

പടിക്കൽ ചെന്നു .” രണ്ടാളും എന്താ താമാസിച്ചത്.?”

 

“അമ്മ എന്താ ഇങ്ങനെ എന്തോ കണ്ട് പേടിച്ച പോലെ . ”  വിദ്യയുടെ അനിയത്തി ദിയയേ അമ്പലത്തിൽ വച്ചു കണ്ടായിരുന്നു. ”

“വിദ്യ നാട്ടിൽ വന്നിട്ടുണ്ടെന്ന് പറഞ്ഞു. അവളുടെ കുഞ്ഞിനെ ഒന്നു കാണാൻ പോയതാ . ” അതാ താമസിച്ചത് . ”

 

“ഹാ നിങ്ങളെ കാണാൻ ഒട്ടും പ്രതീക്ഷിക്കാത്ത ഒരാൾ വന്നിട്ടുണ്ട്. ” അകത്തേക്ക് വാ”

 

ശികയും ദീപുവും  ചോദ്യഭാവത്തിൽ പരസ്പരം നോക്കി.

 

അകത്തളത്തിൽ ശാരമ്മായിയേ കണ്ടതോടെ ശിക അമ്പരന്നു. എന്നാൽ ദീപുവിന്റെ ഭാവംഅവരുടെ വരവ് പ്രതീക്ഷിച്ച മട്ടായിരുന്നു.

 

നേർത്ത ചിരിയോടെ അമ്മായി യുടെ കരം പിടിച്ചവൾ ലോഹ്യം പുതുക്കി.

” മീനാക്ഷിക്കു സുഖാണോ ?” അവർ ഇവിടുണ്ടോ ?”