ഗായകൻ [അഹമ്മദ്‌ ശഫീഖ് ചെറുകുന്ന്] 55

പരിശീലിപ്പിച്ചു..അതിലൂടെ അവൻ വീണ്ടും താൻ മറന്നു പോയ വരികൾ ഓർത്തെടുക്കുകയായിരുന്നു…
എന്നാൽ , തന്റെ ഭർത്താവ് പഠിപ്പിച്ചാൽ മകന്റെ ഉള്ള സംഗീതവും നശിക്കും എന്ന ദിവ്യയുടെ ഭീഷണിയിൽ , അവനെ നല്ലൊരു സംഗീത അധ്യാപകനെ കൊണ്ട് പരിശീലിപ്പിച്ചു… ഇന്നവൻ നല്ലൊരു ഗായകനായായിരിക്കുകയാണ്…. സിനിമയിൽ മൂന്ന് പാട്ടുകൾ പാടി ഹിറ്റ് ആക്കുകയും ചെയ്തു കഴിഞ്ഞു..

അശ്വിന് കിട്ടിയ ആ ദൈവാനുഗ്രഹം , അത് സ്വന്തം അച്ഛനിലൂടെയാണെന്നറിയുന്ന ഒരേയൊരാൾ , അത് ശരത് മാത്രമാണ്…. പിന്നെ ദൈവവും..
അതൊന്നും അവൻ ദിവ്യയെയോ അച്ചുവിനെയോ അറിയിച്ചില്ല…
നരകതുല്യമായ ആ ഭൂതകാലത്തേക്ക് തിരിച്ചു പോകുവാൻ അവനൊട്ടും ആഗ്രഹിച്ചുമില്ല…

ഇതൊന്നുമറിയാതെ , കാളരാഗമെന്നും എരുമഗാനമെന്നുമൊക്കെ പിറുപിറുത്ത് കൊണ്ട് , ദിവ്യ അടുക്കളയിലെ ജോലികളിലേക്ക് നീങ്ങി…
ഒരുപാട് വേദനകൾ ഏറ്റു വാങ്ങേണ്ടി വന്ന ആ മനസ്സിന് , ദിവ്യയുടെ കുത്തലുകൾ ഒരു പോറലും ഉണ്ടാക്കിയില്ല…
നീണ്ട ഒരു നെടുവീർപ്പിന് ശേഷം ശരത് , തന്റെ അടുത്ത പാട്ടിലേക്കിറങ്ങി നടന്നു…
മാനസികമായി പല രീതിയിലും സഹിക്കുന്നെങ്കിലും താനാഗ്രഹിച്ച ജീവിതം മകനിലൂടെ കരസ്ഥമാക്കാൻ കഴിഞ്ഞു എന്ന ആത്മവിശ്വാസത്തോട് കൂടി അവൻ പതിയെ പാടി…

“~പൊന്നിൽ കുളിച്ചു നിന്നു ചന്ദ്രികാ വസന്തം~ ”

( ശുഭം !!! )