കർമ 3 [Vyshu] 203

………..
സുഭാഷ് വയസ് 34, ഭാര്യ രണ്ട് കുട്ടികൾ 5ലും 7ലും പഠിക്കുന്നു.
കുറച്ച് നാളത്തെ പരിചയം മാത്രമാണെങ്കിലും അവനോട് ഒരു അടുപ്പം തോന്നിയിട്ടുണ്ട്. പോലീസ് ക്വാർട്ടേഴ്സിന്റെ ടെറസിൽ മാനത്തെ നക്ഷത്രങ്ങൾ നോക്കി ഇരിക്കുകയായിരുന്നു ആന്റണി. മുമ്പിലത്തെ കസേരയിൽ ഒഴിഞ്ഞ വൈറ്റ് റമ്മിന്റെ കുപ്പിയും, ഗ്ലാസും, അരിഞ്ഞു വച്ച പച്ച പറങ്കിയും, ചെറു നാരങ്ങയും കാണാം.
സൈലന്റിൽ കിടക്കുന്ന ഫോണിന്റെ വൈബ്രേഷൻ ആണ് ആന്റണിയെ ചിന്തയിൽ നിന്നുണർത്തിയത്. നോക്കുമ്പോൾ സുഭാഷ് വിളിക്കുന്നു. ഇനി വല്ല അപകടവും? ആന്റണി ഫോൺ അറ്റൻഡ് ചെയ്ത് കാതോടു ചേർത്തു.

ഹലോ സാറേ.

ഹലോ സുബാഷേ എന്തെങ്കിലും പ്രശ്നം?

ഇല്ല. ഒരു പ്രധാനപ്പെട്ട വിവരം അറിയിക്കാൻ വിളിച്ചതാ.

എന്താ?

പാലക്കാട് ചിറ്റൂരിൽ നിന്നും. ഒരു ബോഡി കിട്ടിയിട്ടുണ്ട്. അവിടത്തെ സാഹചര്യം നമ്മുടെ ഫസ്റ്റ് ക്രൈം സീനിനു സമാനമാണ്. പ്ലാസ്റ്റിക്കിൽ പൊതിഞ്ഞ്. ചന്ദന തൈലം പൂശി ആകെ വികൃതമാക്കിയ ഒരു ബോഡി. അവിടെ സ്റ്റേഷനിൽ എന്റെ കൂടെ ജോലി ചെയ്ത ബിജു വിളിച്ചു പറഞ്ഞതാ.

മിക്കവാറും അത് വാക്കിലായിരിക്കും അല്ലെ?

ആയിരിക്കും സാർ.

താൻ ഏതായാലും ഒന്ന് അലെർട് ആയി ഇരിക്കണം. പുറത്തേക്കൊന്നും പോകണ്ട. ഞാൻ രാവിലെ വന്ന് പിക്ക് ചെയ്യാം.

Ok സാർ.

Ok good night.
…………