കർമ 3 [Vyshu] 203

അത് ഞാൻ ഉറപ്പിച്ചത് തന്നെയായിരുന്നു. അല്ല താനെന്താടോ വല്ലാണ്ട് വിയർക്കുന്നത്. മുഖം മൊത്തത്തിൽ ഒന്ന് വിളറിയിട്ടുണ്ട്. രാവിലെ കണ്ട ആളെ അല്ല താനിപ്പോൾ.

അത് സാർ.

എന്താടോ?

ഒരു പ്രശ്നം ഉണ്ട്?

ആളെ ടെൻഷൻ അടിപ്പിക്കാതെ താൻ കാര്യം പറ.

സാർ അത്…. ഇവിടെ വച്ച് വേണ്ട നമുക്കൊന്ന് പുറത്തേക്ക് പോകാം. വിഷയം കുറച്ച് സീരിയസ് ആണ്.

ഉം ശെരി. ഒരു 15 മിനുട്ട്. ഞാൻ പുറത്തേക്കിറങ്ങുബോൾ തന്നെ വിളിക്കാം.

Ok സാർ.

……….
ബോഡി ശാസ്ത്രിയമായി തന്നെ തീരിച്ചറിയാനാണ് ഹംസയുടെ റൂമിലെ ചീർപ്പിൽ നിന്നും, കാറിൽ നിന്നും ബോഡി വേസ്റ്റ് കളക്ട് ചെയ്ത് DNA ക്ക്‌ വിട്ടത്. അതേതായാലും ഒരു പിടിവള്ളിയായി. തല്കാലത്തേക്ക് എല്ലാവരുടേയും വായ അടപ്പിക്കാനുള്ള കച്ചിത്തുരുബ്.
കൂടാതെ മുന്നോട്ടുള്ള ഒരു വഴിയും.

സുഭാഷ് പോലീസ് ജീപ്പ് കല്ലായി പുഴയുടെ തീരത്ത് ആളൊഴിഞ്ഞ ഒരു പ്രദേശത്തേക്ക് കയറ്റി ഇട്ടു.

ഇനി പറ. എന്താ തനിക്ക് പറയാനുള്ളത്. എന്തിനാ ഈ ടെൻഷൻ?

സാർ നമുക്കവിടെ പോയി ഇരിക്കാം. ദൂരെ ഒരു കൽവർട് കാട്ടി സാജൻ പറഞ്ഞു.

ശെരി.

സാർ എനിക്കിപ്പോൾ നല്ല ഭയം തോന്നുന്നുണ്ട്. ചിലപ്പോൾ അടുത്തത് ഞാനായിരിക്കും. പുഴയിലേക്ക് നോക്കി കൊണ്ട് സാജൻ പറഞ്ഞു.

താൻ എന്താ പറഞ്ഞു വരുന്നത്.?

സാർ ഞാൻ പറഞ്ഞില്ലെ ഹംസയ്ക്ക് കള്ളതടിയുടെ ഏർപ്പാടുണ്ടെന്ന്.

ആ പറഞ്ഞിരുന്നു.