കർമ 3

Author : Vyshu

[ Previous Part ]

 
ഹലോ…
What….

എന്താടോ? വർധിച്ച ആകാംഷയോടെ ആന്റണി ചോദിച്ചു

സാർ. Adv ഹരിനാരായണൻ മിസ്സിംഗ്‌ ആണ്.

Ohh ഷിറ്റ്. അതെങ്ങനെ സംഭവിച്ചു. പ്രൊട്ടക്ഷന് വേണ്ടി ആളെ നിർത്തിയതല്ലേ.
ആന്റണി കണ്ണുകളടച്ച് മുഷ്ടി ചുരുട്ടി മേശയിൽ ആഞ്ഞടിച്ചു.

സാർ. ആള് മിസ്സ്‌ ആയത് വക്കിൽ ഓഫീസിൽ വച്ചാണ്. ഡ്യൂട്ടിയിൽ ഉണ്ടായിരുന്നവർ ഓഫീസിനു പുറത്ത് നില്കുകയായിരുന്നു. വൈകുന്നേരം ബാക്കി എല്ലാവരും പോയിട്ടും ഹരിനാരായണനെ കാണാതെ ഓഫീസിൽ കയറിയപ്പോഴാണ് ആള് മിസ്സിംഗ്‌ ആണെന്ന് മനസ്സിലായത്.

എന്ത് നടന്നാലും കാണും പറയാൻ കുറച്ച് എസ്ക്യൂസസ്.
താൻ ഡ്യൂട്ടിയിൽ ഉണ്ടായിരുന്നവരോട് എന്നെ വന്ന് കാണാൻ പറ.

ശെരി സാർ

ആ പിന്നെ ഹംസയുടെ റിലേറ്റീവ്സിനെ കണ്ടെത്തി ബോഡി ഐഡന്റിഫൈ ചെയ്യാനുള്ള മാർഗം കൂടി നോക്ക്.

കേസ് വീണ്ടും കുഴങ്ങി മറിയുകയാണല്ലോ. കുറച്ചു നേരത്തെ ആലോചനയ്ക്ക് ശേഷം ആന്റണി ഫോണിൽ dysp സാജന്റെ നമ്പർ ഡയൽ ചെയ്തു.
………

പൂര തെറിയാണ് dysp സാജനിൽ നിന്ന് ആന്റണിക്ക് കേൾക്കേണ്ടി വന്നത്.
………..

നഗരത്തിൽ നിന്ന് മാറി കുറച്ച് ഉള്ളിലോട്ടായാണ് ഹരിനാരായണന്റെ വക്കിൽ ഓഫീസ്.
ആന്റണി ഓഫീസിനകത്തേക്ക് കയറിയ ശേഷം ചുറ്റുപാടുകൾ ഒന്ന് വീക്ഷിച്ചു.