കർമ 2 [Vyshu] 239

അയാളുടെ ഫാമിലി ഡീറ്റെയിൽസ്?

ഭാര്യയും രണ്ട് കുട്ടികളും ഉണ്ട്. പക്ഷെ അവര് സെപ്പറേറ്റ്‌ ആണ്.
ഒരു അനിയൻ ഉള്ളത് കാനഡയിൽ ആണ് പിന്നെ പറയത്തക്ക ബന്ധുക്കളൊന്നും ഇല്ല.

താൻ ഹരിനാരായണൻറെ റിലേറ്റീവ്സ് ഓ സുഹൃത്തുക്കളോ ആരെങ്കിലും മിസ്സിംഗ്‌ ആയിട്ടുണ്ടോ എന്ന് അന്വേഷിക്കണം.

Ok സാർ.

ഞാൻ ഹരിനാരായണനെ കണ്ടിട്ട് വരാം. Vvip ആയത് കൊണ്ട് പോലീസ് മുറയിലൊന്നും ചോദ്യം ചെയ്യാൻ കഴിയില്ല. അയാളിൽ നിന്നും വല്ലതും അറിയാൻ കഴിയുമോ എന്ന് നോക്കട്ടെ.

ഞാൻ വരണമോ?

വേണ്ട. താൻ അയാളുടെ ഫ്രണ്ട്സിന്റെയും മറ്റും ഡീറ്റെയിൽസ് തപ്പ്. ആരെങ്കിലും മിസ്സിംഗ്‌ ആണോ എന്ന് അറി. കുമാരേട്ടനെ കൂടി കുട്ടിക്കോ.

Ok സാർ.
…………….

സോഫാ സെറ്റിൽ ആന്റണിയുടെ മുന്നിൽ ഇരിക്കുകയായിരുന്നു adv ഹരിനാരായണൻ.

ഈ കൊലപാതകത്തിന് നിങ്ങളുമായി തീർച്ചയായും ബന്ധമുണ്ട്.
നിങ്ങൾക്ക് എന്തെങ്കിലും അറിയാമെങ്കിൽ എന്നോട് തുറന്ന് പറയണം.

ഇല്ല. എനിക്ക് ഇതുമായി ഒരു ബന്ധവും ഇല്ല.

മരിച്ചയാൾക്ക് ഏകദേശം നിങ്ങളുടെ അതേ പ്രായമാണ് 50-55. നിങ്ങളുടെ സുഹൃത്തുക്കളൊ മറ്റോ നിലവിൽ മിസ്സിംഗ്‌ ആയിട്ടുണ്ടോ.

ഇല്ല.

Anyway. നിങ്ങൾ ഒന്ന് സൂക്ഷിക്കുന്നത് നല്ലതാണ്. ഞാൻ പറയാതെ തന്നെ അറിയാമല്ലോ. എന്തെങ്കിലും വിവരം ലഭിച്ചാൽ എന്നെ അറിയിക്കണം.

ചോദ്യം ചെയ്യലിന് ശേഷം ഹരിനാരായണന് ഫോൺ നമ്പറും നൽകി തിരിച്ചിറങ്ങുമ്പോൾ ആന്റണിക്ക് ഒരുകാര്യത്തിൽ ഉറപ്പുണ്ടായിരുന്നു. അയാൾ പലതും മറച്ചു പിടിക്കുന്നുണ്ട്. പലവട്ടം ഉറപ്പിച്ചതാണ് ചോദ്യം ചെയ്യലിനിടയിൽ അയാളുടെ മുഖത്തെ കള്ളലക്ഷണം.
………