കർമ 12 (THE FINDING’S 3) [Vyshu] 237

“””അപ്പോൾ സുബാഷേട്ടന് മാത്രമല്ല റിനിക്കും ആ സ്ഥലത്തെക്കുറിച്ച് ധാരണയുണ്ട്‌.”””

റിനിയുടെ മുഖ ഭാവത്തിൽ നിന്നും അത് വ്യക്തമാണ്.

“സുബാഷേട്ടാ എന്താ ഒന്നും പറയാത്തത്. അറിയുമോ ആ സ്ഥലം.”

“പാലക്കാട് തമിഴ്നാട് അതിർത്തിയിലെ ആദിവാസി ഊരാണത്.”

സുബാഷേട്ടന് പകരം റിനി ആയിരുന്നു അത് പറഞ്ഞത്.

അതോടെ അനിയുടെ ശ്രദ്ധ റിനിയിലേക്ക് മാറി.

“തനിക്കെങ്ങനെ ആ സ്ഥലത്തെപ്പറ്റി അറിയാം? ”

“കുറച്ച് കാലം ഞാൻ ജീവിച്ചത് ആ ഊരിൽ ആയിരുന്നു.”

“മനസ്സിലായില്ല?”

അനി തന്റെ സംശയം സ്പഷ്ടമാക്കി.

“ചേട്ടന് അത് മനസ്സിലാകണമെങ്കിൽ ആദ്യം എന്റെ ജനനം അറിയണം. എന്റെ ജീവിതം അറിയണം.”

അത് പറഞ്ഞതും അവളുടെ അത് വരെ ഉണ്ടായിരുന്ന കളി ചിരിയുടെ ഭാവം അവിടെ മാറി സങ്കടം നിറഞ്ഞു

“തന്നെ വിഷമിപ്പിക്കാൻ വേണ്ടി ചോദിച്ചതല്ല.

തനിക്ക് പറയാൻ സമ്മതം ആണെങ്കിൽ അതറിയാൻ എനിക്ക് താൽപ്പര്യം ഉണ്ട്.”

കട്ടിലിലേക്ക് ചാരി ഇരുന്ന് കൊണ്ട് അവൾ അവളുടെ കഥ പറയാൻ തുടങ്ങി.

“ഞാൻ ജനിച്ചത് തമിഴ് നാട്ടിലെ ഒരു വനിതാ ജയിലിൽ വച്ച് ആണ്.

അമ്മയുടെ പേര് റോസ്. ശാരീരികമായി ദ്രോഹിക്കാൻ ശ്രെമിച്ചവനെ കൊന്നതിന്റെ പേരിൽ തടവ് കാരി ആയി മാറിയ ഒരു പാവം സ്ത്രീ.