കർമ 12 (THE FINDING’S 3) [Vyshu] 237

“സുബാഷേട്ടനോട് തന്നെ അതിനെപ്പറ്റി ചോദിക്കണം…”

അനി തന്റെ റൂമിൽ നിന്നും സുബാഷേട്ടനെ കാണുവാനായി പുറത്തേക്ക് ചലിച്ചു.

…………………….

റിനിയോടൊത്ത് എന്തോ കാര്യമായ സംഭാഷണത്തിൽ ആയിരുന്നു സുഭാഷേട്ടൻ.

തന്നെ കണ്ടതും ഏതോ അന്യഗ്രഹ ജീവിയെ നോക്കുന്നത് പോലെ രണ്ടാളും തന്നേ തന്നെ നോക്കി ഇരിപ്പായി.

“എന്താ രണ്ടാളും എന്നെ ഇങ്ങനെ നോക്കുന്നത്?”
സംശയ ഭാവത്തോടെ അനി ചോദിച്ചു.

“അല്ല പോയ പോലെ അല്ല ആള് തിരിച്ചു വന്നത്. ലേഖ വല്ല കൂടോത്രവും ചെയ്തൊ എന്ന് നോക്കുകയായിരുന്നു.”

ഒരു ചിരിയോടെ സുബാഷേട്ടനായിരുന്നു അത് പറഞ്ഞത്.

അത് കേട്ടതും റിനിയും ചെറുതായി ചിരിക്കാൻ തുടങ്ങി.

“ഊതല്ലേ.”
കൃത്രിമ ഗൗരവത്തിൽ ആയിരുന്നു അനി അത് പറഞ്ഞത്

അതോടെ അവരുടെ ചിരി പൊട്ടിച്ചിരിയായി മാറി.

ലേഖ തന്നെ വന്നു പൊക്കി കൊണ്ട് പോയതോടെ ഇവിടെ തന്റെ മാനം കപ്പല് കയറി എന്ന് അനിക്ക് ബോധ്യമായി.

“”””””ഇനി നീതു ചേച്ചിയെയും ശ്രീദേവി അമ്മയേയും കൂടി കാണണമല്ലോ.”””””

“ചിരിച്ചത് മതി ഞാനൊരു കാര്യം ചോദിക്കാൻ വന്നതാ. ചേട്ടന് ആനയ്ക്കട്ടി എന്ന സ്ഥലം പരിചയം ഉണ്ടോ.”

അത് കേട്ടതും രണ്ടാളുടെയും ചിരി സ്വിച്ച് ഇട്ട പോലെ നിന്നു.