കർമ 12 (THE FINDING’S 3) [Vyshu] 237

“മനസ്സിലായി.”

“നമുക്കൊന്ന് നേരിൽ കാണണമല്ലോ. ഒരത്യാവശ്യ കാര്യം ഉണ്ട്.”

“കാണാം എപ്പോഴാ വരേണ്ടത്.”

ശ്യാം കൂടിക്കാഴ്ച്ചയുടെ സമയവും സ്ഥലവും പറഞ്ഞ ശേഷം ഫോൺ കോൾ കട്ട്‌ ചെയ്ത് വീണ്ടുമൊരു ലാർജ് കൂടി ഗ്ലാസ്സിലേക്ക് പകർന്നു.

……………………

ലേഖയോട് യാത്രയും പറഞ്ഞ് തിരികെ വീടിന്റെ പടി ചവിട്ടുമ്പോഴേക്ക് അനി ചില കാര്യങ്ങൾ മനസ്സിൽ ഉറപ്പിച്ചിരുന്നു.

റൂമിലേക്ക്‌ കയറിയ ഉടനെ തന്റെ ലാപ്ടോപ്പിൽ dysp സാജന്റെ നേതൃത്വത്തിൽ തയ്യാറാക്കിയ FIR ന്റെ കോപ്പിയും. അതോടൊപ്പം കേസിനെപ്പറ്റി വന്ന പത്ര റിപ്പോർട്ടുകൾ ഉൾപ്പടെയുള്ള മറ്റ് വിവരങ്ങളും സംഘടിപ്പിച്ച് കേസിനെ പറ്റി വിശകലനം ചെയ്യാൻ തുടങ്ങി.

അവർക്കെതിരെ ശക്തമായ ഒരു തെളിവ് പോലും ആ FIR ഇൽ ഇല്ലാ എന്ന് അതോടെ അനിക്ക് ബോധ്യമായി.

“””തെളിവുകൾ ഇല്ലാതെ പോലീസിനെ മാത്രം വിശ്വാസ്യതയിൽ എടുത്ത് കൊണ്ടാകും കോടതി അവരെ നാല് ദിവസത്തെ പോലീസ് കസ്റ്റഡിയിൽ വിട്ടത്.”””

FIR ഇൽ നൽകിയിട്ടുള്ള പ്രതികളുടെ അഡ്രസ് കണ്ടതോടെ അനിയുടെ മനസ്സിൽ പുതിയ സംശയങ്ങൾ ഉടലെടുത്തു.

“””ആനയ്ക്കട്ടി, പാലക്കാട്‌”””

ആ സ്ഥലപ്പേര് ഗൂഗിൾ ചെയ്തതോടെ അനിയുടെ സംശയങ്ങൾക്ക് ഒരു പുതിയ ദിശ കൈവന്നു.

“”””പാലക്കാട്‌ തമിഴ്നാട് ബോർഡറിലെ ആദിവാസി ഊര്…

പണ്ട് സുബാഷേട്ടൻ ഡ്യൂട്ടി എടുത്ത സ്റ്റേഷൻ പരിധിയിൽ വരുന്ന സ്ഥാലം.””””

സുബാഷേട്ടൻ തന്റെ ഡയറിയിലും ഒരു ആദിവാസിഊരിനെ പറ്റി പ്രതിപാദിക്കുന്നത് അനി ഓർത്തു.