കർമ 12 (THE FINDING’S 3) [Vyshu] 237

“ചെമ്മരത്തി എന്നാണോ പേര്?”
ആ വൃദ്ധയുടെ അടുത്തായി തറയിൽ ഇരുന്ന് കൊണ്ട് അനി സംഭാഷണത്തിന് തുടക്കമിട്ടു.

“അതേ മോനെ.”
………..
………

“ഈ ഊരിൽ ഇതുവരെ എന്തെങ്കിലും അത്യാഹിതം സംഭവിച്ചിട്ടുണ്ടോ.”

കുറച്ചേറെ സൗഹൃദ സംഭാഷണാത്തിന് ശേഷം അനി തന്റെ സംശയങ്ങൾ ഓരോന്നായി ചോദിക്കാൻ തുടങ്ങി.

എന്നാൽ പ്രതീക്ഷിച്ച പോലെ ഒന്നിനും മറുപടി കിട്ടിയില്ല.
പല ചോദ്യങ്ങൾക്കും അറിയില്ലാ എന്നായിരുന്നു ഉത്തരം.

അതോടെ രണ്ടും കല്പിച്ച് അനി തന്റെ റൂട്ട് ഒന്ന് മാറ്റി പിടിച്ചു.

“””സംഗതി വർക്ഔട് ആയാൽ ആ വൃദ്ധയിൽ നിന്നും എല്ലാ വിവരങ്ങളും കിട്ടും.”””

അനി തന്റെ ഫോൺ എടുത്ത് അതിൽ റിനിയുടെ കൂടെ നിൽക്കുന്ന ഫോട്ടോ എടുത്ത് ആ വയസായ സ്ത്രീക്ക് കാട്ടിക്കൊടുത്തു.

“അമ്മയ്ക്ക് റിനിയെ അറിയില്ലേ. അവളാണ് എന്നെ ഇങ്ങോട്ടേക്ക് പറഞ്ഞു വിട്ടത്.”

അത് കേട്ടതും അവർ അനിയുടെ മുഖത്തേക്ക് ഉറ്റ് നോക്കി.

“റിനി എന്നോട് ചില കാര്യങ്ങൾ ഒക്കെ പറഞ്ഞിരുന്നു. അതിന്റെ സത്യാവസ്ഥ അറിയാനാണ് ഞാൻ വന്നത്.”

റിനിയുടെ കൂടെയുള്ള കൂടുതൽ ഫോട്ടോസും. കൂടാതെ അമ്മയുടെയും കബനിയുടെയും സതിയുടെയും മാധ്യമങ്ങളിൽ വന്ന ഫോട്ടോസും കൂടി കാട്ടിക്കൊടുത്തതോടെ ആ വൃദ്ധയ്ക്ക് തന്നോടുള്ള സമീപനത്തിൽ മാറ്റം വരുന്നത് അനി മനസ്സിലാക്കി.

“അമ്മ കുറച്ചൊക്കെ എനിക്കറിയാം. എങ്കിലും അമ്മയിൽ നിന്നു തന്നെ അതെല്ലാം എനിക്ക് കേൾക്കണം…

ഇനി പറ എന്താണ് ഇവിടെ സംഭവിച്ചത്???”