കർമ 12 (THE FINDING’S 3) [Vyshu] 237

“അതൊക്കെ അറിഞ്ഞു?”

“സാജൻ സാറ് നിർബന്ധിച്ചപ്പോൾ ഒപ്പിട്ടു എന്നെ ഉള്ളു. ഞാൻ സാറിനോട് പറഞ്ഞതാണ് മുഖം മറച്ചത് കൊണ്ട് ആരുടേയും മുഖം ഞാൻ കണ്ടില്ലാ എന്ന്.

കൂടാതെ എന്നെ തടവിൽ പാർപ്പിച്ച സ്ഥലവും വ്യക്തമല്ലാ എന്ന് പറഞ്ഞതാണ്.

ആ കാര്യത്തിലും നിർബന്ധിച്ചപ്പോൾ ഒപ്പിടേണ്ടി വന്നു.

………………………..

ബീച്ച് റോഡിൽ ശ്യാം തന്റെ ബെൻസ് സൈഡ് ആക്കി.
തൊട്ട് പിന്നാലെ ഒരു ഹോണ്ട സിറ്റിയും വന്ന് നിന്നു.

ഹോണ്ട സിറ്റിയിൽ നിന്നും ആന്റണി പുറത്തിറങ്ങി കാർ ലോക്ക് ചെയ്ത് പതിയെ നടന്ന് മുന്നിലെ ബെൻസിലേക്ക് കയറി.

“ശ്യാം എന്താ അർജെന്റ് ആയി കാണണം എന്ന് പറഞ്ഞത്.”

“പറയാം.”
ശ്യാം കാർ മുന്നോട്ടെടുത്ത് കൊണ്ട് പറഞ്ഞു.

“അവരെ കോടതിയിൽ ഹാജരാക്കി നാല് ദിവസത്തെ പോലീസ് കസ്റ്റഡിയിൽ വാങ്ങിയിട്ടുണ്ട്.”

“ഉം ഞാനറിഞ്ഞു.”

“കാര്യം എന്താണെന്ന് പറഞ്ഞില്ല???”
നീണ്ട മൗനത്തിന് ശേഷം ക്ഷമ കെട്ട് ആന്റണി ചോദിച്ചു.

“കാര്യം… ആ മൂന്ന് സ്ത്രികളേയും അങ്ങ് തീർക്കണം.”
അത് കേട്ടതും ഒരു ഞെട്ടലിലായിരുന്നു ആന്റണി.