കർമ 12 (THE FINDING’S 3) [Vyshu] 237

“കൂടുതലൊന്നും എനിക്കും അറിയില്ല. പക്ഷെ…

എന്റെ ഊഹം ആണ്.

ആ ഊരിൽ എന്തോ ആപത്ത് സംഭവിച്ചിട്ടുണ്ട് അതിന്റെ പേരിലാണ് നിലവിലെ കൊലപാതകങ്ങൾ എല്ലാം അവർ നടത്തിയത്.

എന്റെ ജീവിതത്തിൽ കടന്ന് പോയ കാലഘട്ടത്തിലെ ചില സംഭവങ്ങൾ എല്ലാം കൂട്ടിചേർത്ത് വായിച്ചാൽ അത് ശെരിവെക്കുന്ന തരത്തിലാണ് ഉള്ളത്.”

“സുബാഷേട്ടനെ അവർ എന്തിനാണ് തട്ടിക്കൊണ്ട് പോയത്…???

അന്നത്തെ അറ്റാക്ക് അത് അവരുടെ വക ആയിരുന്നില്ല അല്ലേ?”

അനി ചോദിച്ചു.

“അതെങ്ങനെ നിനക്കറിയാം?”
ഒരു ചിരി ആയിരുന്നു അതിന് അനിയുടെ മറുപടി.

“അതിനു പൂർണ്ണമായും ശെരിയായ ഉത്തരം എന്റെ കയ്യിൽ ഇല്ല. സാഹചര്യം വച്ച് നോക്കുമ്പോൾ ശെരിയാകാൻ സാധ്യതയുള്ള ഊഹം മാത്രമേ ഉള്ളു.”

അതെന്താണെന്നറിയാൻ അനി സുബാഷിനെ ഉറ്റ്നോക്കി.

“ആ വാക്കിലിന്റെ തിരോധാനം മുതൽ നീ എനിക്ക് നൽകിയ തെളിവുകൾ ആന്റണി സാറിനെയും എന്നെയും ശെരിയായ ദിശയിലൂടെ ആയിരുന്നു കൊണ്ട് പോയത്.

ഞങ്ങളെ പിന്തുടർന്നിരുന്ന അവരും അത് മനസ്സിലാക്കി. കേസന്വേഷണം തടസ്സപ്പെടുത്താൻ വഴി നോക്കി ഞങ്ങൾക്ക് പിറകെ കൂടിയ അവർക്ക് വീണ് കിട്ടിയ സുവർണ്ണാവസരം ആയിരുന്നു അന്നത്തെ ആ അറ്റാക്ക്….

ഒരു കണക്കിന് അവർ പിറകെ വന്നത് നന്നായി. ഇല്ലെങ്കിൽ അന്ന് ആ നടു റോഡിൽ തീർന്നേന ഞങ്ങൾ രണ്ടും.”

“ശരീരികമായി ആക്രമിക്കപ്പെട്ട നിങ്ങളിൽ നിന്നും സ്വഭാവികമായും കേസ് മറ്റൊരു ടീമിലേക്ക് പോകില്ലേ????.