കർമ 12 (THE FINDING’S 3) [Vyshu] 237

അച്ഛനെക്കുറിച്ച് എനിക്കറിയില്ല.

ഒരു ആറോ ഏഴോ വയസ്സ് വരെ ഞാൻ അതിനകത്തായിരുന്നു.

പെട്ടെന്നൊരുദിവസം ഞാൻ കാണുന്നത് എന്റെ അമ്മയുടെ കത്തിക്കരിഞ്ഞ ശവ ശരീരം ആയിരുന്നു.

ഭക്ഷണ ശാലയിൽ വച്ച് തീ കൊളുത്തി ആത്മഹത്യ ചെയ്യുക ആയിരുന്നു.

എന്തിനത് ചെയ്തു എന്ന് ഇന്നും എനിക്കറിയില്ല.

അവിടെ നിന്നും സർക്കാർ സംവിധാനത്തിലേക്ക് മാറ്റിയ എന്നെ സതി ചേച്ചി ദത്തെടുക്കുക ആയിരുന്നു.

ഇപ്പറഞ്ഞ ആദി വാസി ഊരിൽ അവരുടെ കൂടെ ആയിരുന്നു പിന്നീടെന്റെ ജീവിതം.

അവിടെ വച്ചാണ് ഞാൻ കബനി ചേച്ചിയെയും എന്റെ അക്കയേയും എല്ലാം കാണുന്നത്.”

…….

“അവർ എന്തിനാണ് ഈ കൊലപാതകങ്ങൾ എല്ലാം നടത്തിയത്.”

അവൾ സംഭാഷണം നിർത്തിയതോടെ അനി ചോദിച്ചു.

“നിഷേധിക്കപ്പെട്ട നീതിക്ക് വേണ്ടി.
അവർ എല്ലാവരും തന്നെ മരിക്കേണ്ടവർ തന്നെയായിരുന്നു.”

വീണ്ടും ഒരിക്കൽ കൂടി ആ ചോദ്യം ആവർത്തിച്ചെങ്കിലും മൗനമായിരുന്നു അവളുടെ മറുപടി.

അതോടെ അതിൽ കൂടുതലൊന്നും അവളിൽ നിന്നും ഇനി പ്രതീക്ഷിക്കേണ്ട എന്ന് അനിക്ക് ബോധ്യമായി.

“സുബാഷേട്ടാ… സുബാഷേട്ടന് അതേപ്പറ്റി എന്തെങ്കിലും അറിയുമോ?”

റിനിയിൽ നിന്നിം ഉത്തരം ഇല്ലാതായതോടെ അനി സുബാഷിന് നേരെ തിരിഞ്ഞു.