കർമ 11 (THE FINDING’S 2) [Vyshu] 234

………………………..

വീട്ടിലേക്ക് എത്തിയ ശേഷം കയ്യിലെ സ്പെയർ കീ ഉപയോഗിച്ച് വാതില് തുറന്ന് സുബാഷേട്ടനെയും കൂട്ടി ആ പെൺകുട്ടിയെ എടുത്ത് അകത്തെ റൂമിൽ കിടത്തിയപ്പോഴേക്കും പുറത്തെ ശബ്ദം കേട്ട് അമ്മയും നീതു ചേച്ചിയും ഉണന്നിരുന്നു.

സുബാഷേട്ടനെ കാണും മുമ്പ് നീതു ചേച്ചിയുടെ അടുത്ത് ചെന്ന് അനി അവളോട്‌ കണ്ണുകൾ അടക്കാൻ പറഞ്ഞു.

“ചേച്ചി ഒരു സപ്പ്രൈസ് ഉണ്ട്.”

“എന്താടാ നീ ആളെ കളിപ്പിക്കാതെ കാര്യം പറ.”

“ഞാൻ പറയാതെ കണ്ണ് തുറക്കരുത്….

റെഡി… വൺ … ടു …. ത്രീ…

ഇനി തുറന്നോ. ഞാനെന്റെ വാക്ക് പാലിച്ചിരിക്കുന്നു.”

സുബാഷേട്ടനെ നീതു ചേച്ചിയുടെ മുന്നിൽ നിർത്തിക്കൊണ്ട് അനി പറഞ്ഞു.

കണ്ണ് തുറന്നതും തന്റെ മുന്നിലുള്ള രൂപത്തെകണ്ട് നീതു പൊട്ടിക്കരയാൻ തുടങ്ങി.

ഇതൊക്കെ കണ്ട് കൊണ്ട് ഒരു ചെറു പുഞ്ചിരിയോടെ അവിടെ നാലാമതൊരാളും കൂടി നിൽപ്പുണ്ടായിരുന്നു.
“”മാതാശ്രീ…”

“എന്റെ ശ്രീദേവിഅമ്മ അവരുടെ സ്വർഗത്തിൽ കാട്ടുറുമ്പാകാതെ ഒന്ന് പുറത്തേക്ക് നടന്നെ…

മാതാശ്രീക്ക് ഞാനൊരാളെ കാട്ടിത്തരാം…

വാ…”

സ്നേഹത്തോടെ പിന്നിൽ നിന്നും തള്ളിക്കൊണ്ട് അനി ശ്രീദേവി അമ്മയെ ആ പെൺ കുട്ടി കിടക്കുന്ന റൂമിലേക്ക്‌ കൊണ്ട് ചെന്നാക്കി.

“ആരാടാ ഇത്.”
അനി പാലക്കാട് പോയതും അവിടെ നിന്നും നിലമ്പൂരേക്ക് പോയതും അവിടെ നടന്നതുമെല്ലാം ശ്രീദേവി അമ്മയോട് വിശദമാക്കി.