കർമ 11 (THE FINDING’S 2) [Vyshu] 235

കുറച്ച് അഹങ്കാരത്തോടെ സാജൻ പറഞ്ഞു.

“അറിഞ്ഞു സാർ. സാർ ഒരു സംഭവം തന്നെയാണ്.

എത്ര നിസ്സാരമായാണ് സാറവരെ പിടികൂടിയത്.

അല്ല സാർ അവർ കുറ്റം സമ്മതിച്ചോ?.

“ഇല്ല ചോദ്യം ചെയ്ത് കൊണ്ടിരിക്കുകയാണ്.”

“സാർ എന്നാൽ ഞാനും അങ്ങോട്ടേക്ക് ചെല്ലട്ടെ.??”

ആന്റണി സാജനെ ചെറുതായൊന്നു പുകഴ്ത്തിയതോടെ അയാൾ ആന്റണിയുടെ വരുതിയിലേക്ക് വരാൻ തുടങ്ങിയിരുന്നു.

“ഉം ചെല്ല് ചെല്ല്.”

മറ്റ് പോലീസ്കാർ കൂടി ഉള്ളത് കൊണ്ട് തന്നെ ആന്റണിക്ക് കൂടുതലൊന്നു ചോദിക്കാൻ പറ്റുമായിരുന്നില്ല.

അന്ന് തന്നെ അറ്റാക്ക് ചെയ്ത ദിവസം അവർ കൊണ്ട് പോയ പണം എവിടെ ആണെന്ന് ചോദിച്ചറിയണം. അതിന് വേണ്ടി അയാൾ തക്കം നോക്കി ഇരുന്നു.

……………………

റിനി ഉണർന്നതോടെ സുബാഷേട്ടൻ അവളോട് കാര്യങ്ങൾ എല്ലാം പറഞ്ഞ് മനസ്സിലാക്കി. അതിന് ശേഷമാണ് അനി അവൾ കിടക്കുന്ന റൂമിലേക്ക്‌ കയറിചെല്ലുന്നത്.

തന്നെ കണ്ടതും അവളുടെ കണ്ണുകളിൽ ഭയം നിറയുന്നത് അനി മനസ്സിലാക്കി.

“Cool…താൻ പേടിക്കേണ്ട തന്നെ ഇവിടെയാരും ഉപദ്രപിക്കില്ല.”
ഒരു പുഞ്ചിരി മുഖത്ത് ഫിറ്റ്‌ ചെയ്ത് വെച്ച് കൊണ്ട് അനി പറഞ്ഞു.

താൻ കരയുകയായിരുന്നോ?”

അതിന് മറുപടി എന്നോണം അവൾ മുഖം താഴ്ത്തി.

“സുബാഷേട്ടൻ തന്നെക്കുറിച്ച് എല്ലാം എന്നോട് പറഞ്ഞു. കഴിഞ്ഞതെല്ലാം താൻ മറക്കണം.