കർമ 11 (THE FINDING’S 2) [Vyshu] 234

“”””Yes””””

കാർ ഓടിച്ച് കൊണ്ട് തന്നെ അനി തന്റെ ഫോണിൽ Dr അശ്വിൻ ദാസ് എന്ന നമ്പറിലേക്ക് ഡയൽ ചെയ്തു.

…………………….

രക്തം കുറച്ചധികം വാർന്നത് കൊണ്ട് തന്നെ അതിലെ റിസ്ക് എലമെന്റ്സ് ചൂണ്ടിക്കാട്ടി അവൻ
ആദ്യം ഒന്നെതീർത്തെങ്കിലും ഒരു കുഴപ്പവും വരില്ല എല്ലാം ഞാൻ സംഘടിപ്പിക്കാം എന്ന തന്റെ ഉറപ്പിന്മേൽ അവനോടുവിൽ അതിന് തയ്യാറായി.

അവളുടെ ജീൻസിന്റെ പോക്കെറ്റിൽ നിന്നും ലഭിച്ച ഡ്രൈവിംഗ് ലൈസൻസിൽ നിന്നും രക്ത ഗ്രൂപ്പ്‌ മനസ്സിലാക്കി. അത് കൊണ്ട് കാര്യങ്ങൾ കുറച്ച് കൂടി എളുപ്പമായി.

“”””O+ve””””

“എടാ എന്റെ രക്തം അവൾക്ക് മാച്ച് ആകും.”

“Ok എന്നാൽ ഇവിടെ ടൗണിലുള്ള മെഡിക്കൽ സ്റ്റോറിൽ പോയി എത്രയും പെട്ടെന്ന് അതിന് വേണ്ട സാധനങ്ങൾ വാങ്ങി വരണം.”

“Ok”

അവൻ തന്ന ലിസ്റ്റും വാങ്ങി സുബാഷേട്ടനെ അവന്റെ അടുത്ത് നിർത്തി പോകുമ്പോൾ അശ്വിൻ എന്ന സുഹൃത്തിനെ കൂടുതൽ മനസ്സിലാക്കുകയായിരുന്നു അനി.

പണ്ട് പ്ലസ്ടുവിന് പഠിക്കുമ്പോൾ അന്തർമുഖനായിരുന്ന തനിക്ക് ലഭിച്ച ചുരുക്കം ചില സുഹൃത്തുക്കളിൽ ഒരാളായിരുന്നു അവൻ. എന്തിനാ ഏതിനാ എന്ന് പോലും ചോദിക്കാതെ സഹായിക്കാൻ ഈ ലോകത്ത് സുഹൃത്തുക്കൾക്ക് മാത്രമേ കഴിയു….

……………………..

അപകടനില തരണം ചെയ്ത ശേഷം ഏതാണ്ട് ഒരു മണിയോട് കൂടി സെഡേഷനിൽ കിടക്കുന്ന അവളെ കൈത്തണ്ടയിൽ വലിയ അനക്കം വരാതെ കാറിലേക്ക് എടുത്ത് കിടത്തി സുബാഷേട്ടനേയും കൂട്ടി അനി തന്റെ വീട്ടിലേക്ക് പുറപ്പെട്ടു.