കർമ 11 (THE FINDING’S 2) [Vyshu] 234

“എന്നിട്ട് താനിപ്പോൾ എവിടെയാണ്. തന്നെ എവിടെയാണവർ തടവിൽ പാർപ്പിച്ചത്.”

“ഇരുട്ടായത് കൊണ്ട് കൃത്യമായി അറിയില്ല. എങ്കിലും തൃശ്ശൂർ എരനെല്ലൂരിനടുത്തുള്ള സ്ഥലമാണ്.
ഏകദേശം മനസ്സിലാക്കിയ അഡ്രസ് ഞാൻ സാറിന് മെസ്സേജ് അയച്ചിട്ടുണ്ട്.”

“താനേതായാലും എന്റെ ഓഫീസിൽ ഹാജരാക്. ഞാൻ രണ്ട് പോലീസ് കാരെ അങ്ങോട്ടേക്ക് വിടാം.”

കാൾ കട്ട് ചെയ്ത് സുബാഷ് അയച്ച മെസ്സേജ് വായിച്ചതിനു പിന്നാലെ സാജൻ അനി അയച്ച മെസ്സേജും കൂടി കണ്ടു.

ആ മെസ്സേജ് വായിച്ചതോടെ തന്റെ അന്വേഷണ ടീമിനോട് എത്രയും പെട്ടെന്ന് തയ്യാറാകുവാൻ വേണ്ടി ഫോണിൽ കൂടി നിർദേശം നൽകി ശേഷം അനി അയച്ച ലൊക്കേഷനിലെ പോലീസ് സ്റ്റേഷനിലേക്ക് വിളിച്ച് അനി അയച്ച ലൊക്കേഷൻ ഷെയർ ചെയ്ത് അവിടം ലോക്ക് ആക്കുവാനും വേണ്ടിവന്നാൽ അവിടെയുള്ള ആൾക്കാരെ കസ്റ്റഡിയിൽ എടുക്കുവാനും നിർദ്ദേശിച്ചു.

…………………………..

“ഇത്രയും പോരെ.”
ഫോൺ കോൾ കട്ട് ആക്കിയതിനു ശേഷം മുന്നിൽ ഒരു ചെറു ചിരിയോടെ നിൽക്കുന്ന അനിയോട് സുബാഷ് ചോദിച്ചു.”

“മതി… മതി….”

“അല്ലടാ. അവർ വഴി റിനിയിലേക്കും അന്വേഷണം എത്തില്ലേ.”

“റിനിയെ അറസ്റ്റ് ചെയ്യുന്നതിനോട് സുഭാഷേട്ടന് തീരെ താല്പര്യം ഇല്ല എന്ന് തോന്നുന്നല്ലോ.”
ഒരു കള്ള ചിരിയോടെ അനി ചോദിച്ചു.

“സത്യം പറയാമല്ലോടാ ഇല്ല……

അവളൊരു പാവമാ. ഞാൻ ഇന്ന് ജീവനോടെ ഉണ്ടെങ്കിൽ അതിന് കാരണം അവളാ. അതിന്റെ നന്ദി ഞാൻ കാട്ടണ്ടെടാ.

മാത്രമല്ല അവൾ ജനിച്ചു വീണതെ ജയിലഴിക്കുള്ളിൽ ആയിരുന്നു. ഒരു തടവ് കാരിയുടെ മകളായി.

ഇതിനോടകം തന്നെ ഒരുപാട് വേദനകൾ അവൾ അനുഭവിച്ചിട്ടുണ്ട് ഇനിയും അത് വേണോടാ.”

“ഇതൊക്കെ സുബാഷേട്ടന് എങ്ങനെ അറിയാം.”