കർമ 11 (THE FINDING’S 2) [Vyshu] 234

വൈകീട്ടോടെ കാര്യങ്ങൾ അറിയിക്കാനായി ശ്യാം വർമ്മയെ വിളിച്ചു.

“പപ്പാ എല്ലാം സെറ്റ് ആണ്. ആന്റണി നാളെ മുതൽ ആ അന്വേഷണ ടീമിൽ ഉണ്ടാകും.”

“ആളെ വിശ്വസിക്കാൻ പറ്റുമോ.”

“ഇതുവരെയുള്ള കിടപ്പുവശം വച്ച് ആന്റണിയെ വിശ്വസിക്കാം.”

“പോലീസ് കാരനാണ് ഒരു കണ്ണ് എപ്പോഴും അയാളുടെ മേൽ വേണം.”

“അറിയാം പപ്പാ. അന്വേഷണം ഏറെ മുന്നോട്ട് പോയിട്ടുണ്ടെന്നാണ് ആന്റണി പറഞ്ഞത്.”

“ആ സ്ത്രികളെ ക്കുറിച്ച് എന്തെങ്കിലും വിവരം കിട്ടിയാൽ ഉടനെ നമ്മളെ അറിയിക്കാൻ പറയണം. ഒരു കാരണവശാലും അവരെ പോലീസ് അറസ്റ്റ് ചെയ്യാൻ പാടില്ല. സ്ത്രികൾ ആയത് കൊണ്ട് തന്നെ അറസ്റ്റ് ചെയ്താൽ പിന്നീട് നമ്മുടെ കൈകളിലേക്ക് എത്തണമെങ്കിൽ പിന്നീട് ഒരുപാട് കടമ്പകൾ കടക്കണം.”

“ഉം ഞാനും അത് ചിന്തിച്ചു.”

“Ok.”

…………………………

എന്നത്തേയും പോലെ പ്രഭാത സവാരിക്കിടെ ആണ് സാജന്റെ ഫോൺ റിങ്ങ് ചെയ്തത്.

“”””പരിചയമില്ലാത്ത നമ്പർ ആണല്ലോ. രാവിലെ തന്നെ വല്ല വള്ളിക്കെട്ടും ആയിരിക്കുമോ.””””

സാജൻ രണ്ടും കൽപ്പിച്ച് ഫോൺ അറ്റന്റ് ചെയ്ത് കാത്തോട് ചേർത്തു.

“ഹലോ.”

“ഹലോ സാർ ഞാൻ സുഭാഷ് ആണ്.”

“സുബാഷോ..?”

“അതേ സാർ SI സുബാഷ്. ഞാൻ….. എന്നേ ആ സ്ത്രികൾ തടങ്കലിൽ വച്ചിരിക്കുകയായിരുന്നു…. അവരുടെ തടവിൽ നിന്നും രക്ഷപ്പെട്ടു വിളിക്കുന്നതാണ്
എന്നേ പൂട്ടി ഇട്ടിരുന്ന റൂമിന്റെ വാതിൽ ആരോ ഇന്നലെ തുറന്ന് തന്നു. അങ്ങനെ ഇന്നലെ അവിടെ നിന്നും രക്ഷപ്പെട്ടു.”