പീറ്റർ :അപ്പോൾ ശെരി മിസ്സ്‌ ജൂലി ഉറങ്ങിക്കോ ഞാൻ പുറത്തിരിക്കാം
ജൂലി :എടാ നീ കഞ്ഞി കുടിച്ചോ
പീറ്റർ :ഇല്ല മിസ്സ്‌ ജൂലി
ജൂലി :എങ്കിൽ പോയി കുടിക്ക് വെറുതേ പട്ടിണി കിടക്കണ്ട
പീറ്റർ :അതിന് ഇവിടെ ആര് പട്ടിണി കിടന്നു ഞാൻ രാവിലെ തന്നെ അപ്പവും മുട്ടയും കഴിച്ചതാ
ജൂലി :എടാ ദ്രോഹി അതൊക്കെ വച്ചിട്ടാണോ നീ എനിക്ക് ഈ കഞ്ഞി തന്നത് അപ്പോൾ നീ എനിക്ക് പണി തന്നതാണല്ലേ
പീറ്റർ :എന്റെ പള്ളി എനിക്കിതൊന്നും കേൾക്കാൻ വയ്യേ
പീറ്റർ വേഗം റൂം അടച്ച് പുറത്തേക്കിറങ്ങി
രാത്രി ജൂലിയുടെ വീട്
ജൂലി റൂമിൽ നിന്ന് പതിയെ ഹാളിലേക്കെത്തി
പീറ്റർ :എന്താ മിസ്സ്‌ ജൂലി ഈ കാണിക്കുന്നത് വല്ലതും വേണമെങ്കിൽ എന്നോട് പറഞ്ഞാൽ പോരെ എന്തിനാ എഴുന്നേറ്റു വന്നത്
ജൂലി :എനിക്കിപ്പോൾ ഒരു കുഴപ്പവുമില്ല ഇനി ആ റൂമിലിരുന്നാൽ എനിക്ക് വട്ടുപിടിക്കും
അതും പറഞ്ഞു ജൂലി സോഫയിലേക്കിരുന്നു
പീറ്റർ :എന്നാൽ ശെരി ഞാൻ പോയി കഴിക്കാൻ കഞ്ഞി എടുക്കാം
ജൂലി :കഞ്ഞി കഞ്ഞി കഞ്ഞി നിനക്ക് വേറൊന്നും പറയാനില്ലേ രാവിലെയും ഉച്ചക്കും കഞ്ഞി കഴിച്ചു ഞാൻ മടുത്തു ഞാൻ വേണമെങ്കിൽ പട്ടിണി കിടന്നോളാം എന്നാലും കഞ്ഞി വേണ്ട
പീറ്റർ ജൂലിയെ തന്നെ മിഴിച്ചു നോക്കാൻ തുടങ്ങി
ജൂലി :നീ എന്താ ഇങ്ങനെ നോക്കുന്നേ
പീറ്റർ :അല്ല കുറച്ച് മുൻപ് വരെ അവശതയിൽ കിടന്ന ആളാണോ ഇതെന്ന് നോക്കിയതാ എന്റെ കഞ്ഞിയുടെ പവർ അപാരം തന്നെ
ജൂലി :നിർത്തി പീറ്റർ ഓവറാക്കണ്ട
പീറ്റർ :എനിക്ക് ഒരു തമാശ പറയാനും പാടില്ലേ മിസ്സ്‌ ജൂലി ഇവിടെ ഇരിക്ക് ഞാൻ പോയി വേറെന്തെങ്കിലും ഉണ്ടാക്കിയിട്ട് വരാം
പീറ്റർ കിച്ചണിലേക്ക് പോകാനോരുങ്ങി
ടിങ്.. ടോങ് പെട്ടെന്നാണ് കാളിങ് ബെൽ അടിച്ചത്
ജൂലി :ഇതിപ്പോൾ ആരാണാവോ
പീറ്റർ :മിസ്സ്‌ ജൂലി അവിടെ ഇരുന്നോ ഞാൻ പോയി നോക്കാം
പീറ്റർ വേഗം വീടിന്റെ വാതിൽ തുറന്നു റോസ് ആയിരുന്നു അത്
റോസ് :നീയോ ജൂലി എവിടെ
പീറ്റർ :അത് പിന്നെ മിസ്സ്‌ ജൂലി
?