കോഡ് ഓഫ് മർഡർ 2 [Arvind surya] 171

“ഐ ഹാവ് നോ ഐഡിയ രാജേഷ്. നമുക്ക് തുടങ്ങി അല്ലെ പറ്റു.സാറിനു ശത്രുക്കൾ ആരെങ്കിലും ഉണ്ടോ എന്ന് അന്വേഷിക്കണം. അങ്ങനെ ഉണ്ടെങ്കിൽ ഈ മരണം നടന്ന ദിവസമോ അതിനു ശേഷമോ അയാൾ മിസ്സിംഗ്‌ ആയിട്ടുണ്ടോ എന്ന് കണ്ടെത്തണം. അങ്ങനെ ഉണ്ടെങ്കിൽ കൊലപാതകിക്കായി നമ്മൾ കൂടുതൽ ബുദ്ധിമുട്ടേണ്ടി വരില്ല. “

*****************************************

ഒരാഴ്ചക്ക് ശേഷം നോർത്ത് ജനമൈത്രി പോലീസ് സ്റ്റേഷൻ, കലൂർ
******************************************

  ഗോപാലേട്ടൻ പരാതിപെട്ടിയിൽ നിന്നും കിട്ടിയ കത്തുകൾ പൊട്ടിക്കുന്ന തിരക്കിൽ ആയിരുന്നു.
“എന്തിനാ ഗോപാലേട്ട ഈ സമയം ഇല്ലാത്ത സമയത്ത് ആവശ്യം ഇല്ലാത്ത ഓരോന്ന് നോക്കുന്നത്. DYSP സർ കൊല്ലപ്പെട്ടിട്ടു ഇന്നേക്ക് 7ദിവസം ആയി ഇത് വരെ യാതൊരു തെളിവും കണ്ടെത്താൻ നമുക്ക് കഴിഞ്ഞിട്ടില്ല. “SI രാജേഷ് പറഞ്ഞു.

“സർ ദ അന്നത്തെ പോലെ ഉള്ള ഒരു കത്ത് കൂടി. “ഗോപാലേട്ടൻ പറഞ്ഞു.

“ഏതാടോ. ഏതു പോലത്തെ “SI രാജേഷ് താല്പര്യം ഇല്ലാത്ത മട്ടിൽ ചോദിച്ചു.

“സർ അന്ന് കൊലപാതകം നടന്ന ദിവസം രാവിലെ നമുക്ക് ഒരു കത്ത് കിട്ടിയില്ലേ. R  എന്ന ലെറ്റർ വെച്ച ഒരു ഊമക്കത്ത്‌. അതേപോലെ മറ്റൊരെണ്ണം. അതെ ഹാൻഡ് റൈറ്റിംഗ് കവറിനു മുകളിൽ “ഗോപാലേട്ടൻ ആ കവർ കയ്യിലെടുത്തുകൊണ്ട് പറഞ്ഞു.

  അത് കേട്ടതും രാജേഷിന്റെ ഉള്ളിൽ ഒരു മിന്നൽ പാഞ്ഞു. തന്റെ സീറ്റിൽ നിന്നും ചാടി എഴുന്നേറ്റു അയാൾ ഗോപാലേട്ടന്റെ കയ്യിൽ ഇരുന്ന കവർ വാങ്ങി. വിറയ്ക്കുന്ന കൈകളോടെ അയാൾ അത് തുറന്നതും  E എന്ന അൽഫബെറ്റിക് ലെറ്റെറിന്റെ കൂടെ ഒരു മോതിര വിരലും കവറിൽ നിന്നും അയാളുടെ കയ്യിലേക്ക് അറ്റു വീണു. ആ ചോരയിൽ കുതിർന്ന ഒരു കറുത്ത തുണിക്കഷണവും അയാളുടെ കയ്യിൽ ഇരുന്ന് വിറച്ചു.

                                                             തുടരും….