കൈവിട്ട ജീവിതം [മാരാർ] 75

 

 

ഇന്ന് എന്റെ പിറന്നാൾ ആണ് എനിക്ക്   ഇന്ന് 18 വയസ്സ് പൂർത്തിയായി. ഞാൻ   രാവിലെ അമ്പലത്തിൽ പോയി വന്ന് കസാരയിൽ ഇരുന്നു അമ്മ അടുത്തേക്ക് വന്നു.

 

“അച്ചു…”

 

“മ്മ് എന്തമ്മേ…”

 

“എനിക്ക് നിന്നോട് ഒരു കാര്യം പറയാൻ   ഉണ്ട്”

 

“എന്തമ്മേ….”

 

“നിന്റെ കല്ല്യാണം ഞാൻ ഉറപ്പിച്ചു”

 

ആ വാക്കുകൾ എന്റെ ഹൃദയത്തിലേക്ക്   ഒരു മിന്നൽ  പിണർ പോലെ പതിച്ചു….

എനിക്ക് ഒരു വാക്കുപോലും തിരിച്ചു പറയാൻ സാധിച്ചില്ല.അമ്മ ആദ്യമായാണ് എന്നോട് അങ്ങനെ പറയുന്നത്.എവിടെന്നോ എനിക്ക്   കിട്ടിയ ധൈര്യം വെച്ച് ഞാൻ പറഞ്ഞു

 

“എനിക്ക് ഇപ്പോൾ കല്ല്യാണം വേണ്ട.   എനിക്ക് പഠിക്കണം ”

 

അമ്മ എന്റെ അടുത്തേക്ക് വന്നിട്ട് എന്നോട് പറഞ്ഞു.

“അച്ചു എനിക്കോ നിന്റെ  ചേട്ടന്മാർക്കോ നിന്നെ പഠിപ്പിക്കാൻ   സാധിക്കില്ല. അച്ഛന്റെ ആഗ്രഹം    പോലെ വീട് പണി ഒരു കരക്ക് എത്തിക്കണം. ലോൺ ,ചിട്ടി വട്ടി    അങ്ങനെ എല്ലാം ഉണ്ടെന്ന് നിനക്ക്   അറിയില്ലേ. നിന്നെ പഠിപ്പിക്കാൻ എന്നെ   കൊണ്ട് ആകുമെന്ന് തോന്നുന്നില്ല   മോളെ…. നിന്നെ നല്ല ഒരു  സ്ഥാലത്തേക്കാണ് ഞാൻ അയക്കാൻ   പോകുന്നത്. നിനക്ക് അറിയുന്നവർ   ആണ് ”

 

എനിക്ക് ഒന്നും പറയാൻ സാധിച്ചില്ല കാരണം അമ്മ അങ്ങനെ ചിന്തിച്ചതിൽ തെറ്റ് പറയാൻ സാധിക്കില്ല മുങ്ങി   കൊണ്ട് ഇരിക്കുന്ന ഒരു കപ്പൽ ആണ്   എന്റെ കുടുംബം.

 

പിന്നെ ഞാൻ ഒന്നുമിണ്ടിയില്ല. ഒരു   ദിവസം ഞാൻ അമ്മയോട് പറഞ്ഞു   എനിക്ക് ഒരാളെ ഇഷ്ടമാണെന്ന്. അന്ന്   വീട്ടിൽ ഒരു യുദ്ധം തന്നെ നടന്നു    ഏട്ടന്മാർ എന്നെ തല്ലി ഞാൻ നന്നെ തളർന്നു എന്നെ നാത്തൂൻ താങ്ങി   റൂമിൽ കിടത്തി. പിറ്റേന്ന് ഏട്ടൻ എന്നെ   വണ്ടിയിൽ കേറ്റി കൊണ്ടുപോയി വണ്ടി  ചെന്ന് നിന്നത് പോലീസ് സ്റ്റേഷനിൽ.   അവിടെ അമ്മയും അനൂപേട്ടനും ഉണ്ടായിരുന്നു. അഭിയേട്ടൻ എന്നെ   എസ്ഐ ന്റെ മുൻപിൽ ഇരുത്തി.   പിറകിലേക്ക് നോക്കി അവിടെ അവൻ    ഇരിക്കുന്നു ജിഷ്ണു. ജിഷ്ണു എന്നെ   ആദ്യമായി ഇഷ്ടമാണെന്ന് പറഞ്ഞവൻ. അവന്റെ തല തഴേക്ക് താന്നിരുന്നു .

 

അവർ എന്തൊക്കയോ   സംസാരിക്കുന്നു. എന്റെ മനസ്സിൽ   മുഴുവൻ ഇരുട്ടായിരുന്നു. അവസാനം   ഒരു പോലീസുകാരൻ എന്റെ   അടുത്തേക്ക് വന്ന് എന്നെ വിളിച്ചു   കൂടെ അവനെയും. അവനോട് പോലീസുകാരൻ പറഞ്ഞു.

 

“ഇനി നിനക്ക് ഈ കുട്ടിയുമായി ഒരു   ബന്ധവും പാടില്ല”

 

അവൻ ഇല്ലാന്ന് പറഞ്ഞു.

ഞാൻ തലയുയർത്തി അവനെ   നോക്കി. എന്നോട് ചോദിച്ചപ്പോൾ   ഞാൻ ഒന്നുമിണ്ടയില്ല വീണ്ടും   ചോദിച്ചപ്പോൾ ഞാനും സമ്മതം   പറഞ്ഞു.