കൃഷ്ണവേണി VII (രാഗേന്ദു) 1682

അതും പറഞ്ഞ് അവൻ ചിരിച്ചുകൊണ്ട് മുൻപോട്ട് വന്നു..

“പ്ലീസ് ഒന്നും ചെയ്യരുത്.. ”

അവൾ കരഞ്ഞുകൊണ്ട് അവനോട് പറഞ്ഞു.. നാക്ക് കുഴഞ്ഞ് പോകുന്നത് അവൾ അറിഞ്ഞു..
ശരീരത്തിലെ ബലം എല്ലാം നഷ്ടപ്പെട്ടത് പോലെ.. അനങ്ങാൻ വയ്യ..

അവൻ ഒരു ക്രൂരമായ വഷളൻ ചിരിയോടെ അടുത്തേക്ക് വന്ന് അവളെ പൊക്കി എടുത്തു.. കൂടെ നിന്നവർ അവനെ സഹായിച്ചു.. അവൾ പ്രതിരോധിച്ചു എങ്കിലും കാര്യം ഒന്നും ഉണ്ടായില്ല…അവളുടെ കണ്ണുകൾ മെല്ലെ അടഞ്ഞു.. ജീപ്പ് കിടക്കുന്നവിടേക്ക് അവർ വേഗത്തിൽ തിരിഞ്ഞ് നടന്നു.. വണ്ടിയുടെ അടുത്ത് എത്തി.. ഡോർ തുറന്ന് അവളെ അതിൽ കിടത്തി.. അവർ പരസ്പരം നോക്കി ചിരിച്ചു..

പെട്ടെന്നാണ് എന്തോ ശബ്ദം കേട്ട് അവർ പിന്നോട്ട് നോക്കിയത്.. റോഡിലൂടെ വല്ലാത്തൊരു ഇരമ്പൽ അടുത്ത് വരുന്നുണ്ടായിരുന്നു.. വെളിച്ചവും… അവന്മാർ പരസ്പരം നോക്കി…

പത്തോളം ബൈക്കുകൾ കുതിച്ചു വന്നു അവരുടെ മുൻപിൽ നിന്നു.. അതുകണ്ട് അവർ പകച്ച് നിന്നു.. അതിൽ നിന്നും ഹോക്കി സ്റ്റികും ബാറ്റും ആയി ലിനുവും കൂട്ടുകാരും ഇറങ്ങി വന്നു..

ഇത് അവർ ഒട്ടും പ്രതീക്ഷിച്ചില്ല.. നോക്കി നിൽകവെയാണ്.. ഒരു ഹോക്കി സ്റ്റിക് അവരുടെ അടുത്ത് കൂടി പറന്നുപോയത്.. അതു ആ ജീപ്പിൻ്റെ ഗ്ലാസ്സ് തകർത്തു..

“ഞങ്ങളുടെ കോളജിലെ പെണ്ണിനെ നി തോടും അല്ലടാ.. നായേ..!”

ലിനു മുരണ്ടുകൊണ്ട് ബോബിയുടെ നേർ കുതിച്ചു.. അവൻ്റെ കയ്യിൽ ഇരുന്ന ഹോക്കി സ്റ്റിക് ബോബിയുടെ മേൽ ശക്തമായി പതിച്ചു..

അവൻ വേദന കൊണ്ട് പുളഞ്ഞു..ബാക്കി രണ്ട് പേര് രക്ഷപെടാൻ ശ്രമിച്ചു എങ്കിലും.. പാഴ് ശ്രമം ആയി.. കൂടെ വന്നവർ എല്ലാം അവരെ പൊതിഞ്ഞു.. പെട്ടുപോയ അവസ്ഥ ആയിരുന്നു അവർക്ക്.. അവരെ മൂന്ന് പേരെയും എല്ലാവരും കൂടി തല്ലി ചതച്ചു..