കൃഷ്ണവേണി VI [രാഗേന്ദു] 2634

സ്ട്രീറ്റ് ലൈറ്റിന്റെ വെളിച്ചം ഉണ്ട്. അവൾ കൈമുട്ട് പൊക്കി നോക്കി.. നന്നായി തൊലി പോയിട്ടുണ്ട്. കാലിനും നല്ല വേദന.. ഹെൽമെറ്റ് പോയില്ല.. പെട്ടെന്നാണ് അവൾക്ക് ജീപ്പ് ഇടിച്ചത് ഓർമ വന്നത്.. അവൾ വേദന മറന്നു ചാടി എഴുന്നേറ്റ് ഹെൽമെറ്റ് ഊരി.. നിർത്തിയിട്ട ജീപ്പിന് നേരെ നടന്നു..

“ആരെ കെട്ടിക്കാൻ ആണെടാ നീയൊക്കെ…..?”

അലറിക്കൊണ്ട് മുൻപോട്ട് ചെന്ന അവൾ പിടിച്ചു കിട്ടിയതുപോലെ നിന്നു.. വഷളൻ ചിരിയോടെ ജീപ്പിൽ നിന്നും ഇറങ്ങിയ മൂന്ന് പേര്.. അതിൽ അവളെ കയറി പിടിച്ചവനും..

“എന്താ മോളെ.? ബാക്കി കൂടെ പറ.. ചേട്ടന്മാർ കേൾക്കട്ടെ..”

അവൻ മുൻപോട്ട് വന്നപ്പോൾ അവൾ ദേഷ്യത്തോടെ കൈ വീശി ഒരു അടി അടിച്ചു.. അവൻ അത് പിടിച്ച ഉടനെ അവളെ ജീപ്പിനോട് തള്ളി നിർത്തി.. ഇരുകൈകളും കൂട്ടി പിടിച്ചു വച്ചു..

“വിടഡാ.. വിടെന്നെ…!”

അവൾ കുതറി എങ്കിലും അവൻ വിട്ടില്ല..

“നിന്നെ വിടും.. ഞങ്ങൾ മൂന്ന് പേരും ഒന്ന് നന്നായി കണ്ട ശേഷം.. ഇന്ന് രാത്രി കഴിഞ്ഞാൽ നിന്നെ വിടും.. ഡാ സാധനം എടുക്ക്..”

അവൻ മെല്ലെ അവളുടെ കവിളിൽ തലോടി കൊണ്ട് പറഞ്ഞതും ഒരുവൻ ഒരു സിറിഞ്ചു അവന്റെ കയ്യിലേക്ക് കൊടുത്തു..

“അവളുടെ കൈ പിടിക്കെടാ.. ”

അത് കേട്ടതോടെ രണ്ടുപേരും അവളുടെ കൈ പിടിച്ചു വച്ചു.. അവൾ ആളറിക്കൊണ്ട് കുതറി.. കണ്ണുകൾ നിറഞ്ഞു ഒഴുകി.. ആഷ് പറഞ്ഞത് കേൾക്കാതെ വന്ന നിമിഷത്തെ അവൾ ശപിച്ചു..

“പ്ലീസ്.. ഒന്നും ചെയ്യരുത്… ”

അവൾ അവസാന ശ്രമം എന്നരീതിയിൽ കെഞ്ചി നോക്കി..

“ഒന്നും ചെയ്യില്ല.. മയക്കുമരുന്നു ആണ്.. നിനക്ക് വേണ്ടി സ്പെഷ്യൽ ഐറ്റം..”

ഒരു ചിരിയോടെ അവൻ പറഞ്ഞു..