കൃഷ്ണവേണി VI [രാഗേന്ദു] 2634

“അമ്പിളി..നിയോ.. ഇങ്ങ് വന്നെ..!! ”

എന്നും പറഞ്ഞ് അതിൽ ഒരുവൻ ആ പെണ്ണിനെയും വിളിച്ചുകൊണ്ട് പോയി ..

സംഗതി സീരിയസ് ആണെന്ന് എനിക്ക് തോന്നി.. ഈ പെണ്ണിന് എല്ലായിടത്തും ശത്രുക്കൾ ആണല്ലോ.. എന്ന് ഞാൻ ചിന്തിച്ചു..

അവർ എല്ലാവരും പല വഴിക്കായി പിരിഞ്ഞു..

എനിക്ക് ഇത് അവളോട് പറയണം എന്ന് തോന്നി.. പക്ഷേ അവൾ ഇത് സീരിയസ് ആയി എടുക്കുമോ.. !

അഫ്റ്റ്ർ ഓൾ ഷീസ് മൈ സ്റ്റുഡൻ്റ്.. അതും ഒരു പെൺകുട്ടി.. എന്തായാലും പറയണം.. എന്തെങ്കിലും സംഭവിച്ചു കഴിഞ്ഞ്.. ഞാൻ ഇതൊക്കെ അറിഞ്ഞിട്ടും പറഞ്ഞില്ല എന്നൊരു കുറ്റബോധം വരരുത്..

ഞാൻ നേരെ കൃഷ്ണയെ അന്വേഷിച്ച് ആണ് പോയത്.. പക്ഷേ ഇത്രേം പേരുടെ ഇടയിൽ എങ്ങനെ കണ്ടുപിടിക്കും.. അപ്പോഴാണ്.. ഞങ്ങളുടെ കോളജിലെ ടീച്ചർ നടന്നുവരുന്നത് കണ്ടത്..

ഞാൻ അവരുടെ അടുത്തേക്ക് വേഗത്തിൽ നടന്നു..

“ഹേയ്.. ഗായത്രി..! ”

അവളുടെ പേര് അതാണ്..

“ഹേയ്.. ആഷ്‌ലി.. നി വന്നു എന്ന് മിഷേൽ പറഞ്ഞിരുന്നു.. ഇപ്പോഴാ കാണാൻ സാധിച്ചത്..കുറച്ച് തിരക്കിലായിരുന്നു.. പ്രോഗ്രാം ഒക്കെ കണ്ടില്ലേ.. ”

“ആ കണ്ടു.. നല്ല കഴിവുള്ള കുട്ടികൾ..”

“അതെ..ഈ പ്രാവശ്യം കുറെ കുട്ടികൾ ഉണ്ട്.. ടൈറ്റ് കൊമ്പറ്റിഷൻ.. നമ്മുടെ ആശ്വാസം കൃഷ്ണവേണിയാണ്.. ”

അവൾ എന്നോട് പറഞ്ഞു.. ഞാൻ അവളെ നോക്കി ചിരിച്ചു..

“അവൾ എവിടെ.. കണ്ട് ഒരു കൺഗ്രാട്സ് പറയണം.. നല്ലോണം പെർഫോം ചെയ്തു ആ കുട്ടി..”

അവൾ എവിടെയാ ഉള്ളത് എന്ന് അറിയാൻ വേണ്ടി ഞാൻ അവളോട് ചോദിച്ചു..