കുൽദ്ധാര [ഭ്രാന്തൻ ?] 98

തമിഴ്നാട്ടിലെ ഒരു എൻജിനീയറിംഗ് കോളേജ് ബോയ്സ് ഹോസ്റ്റൽ

11:48PM

ഹോസ്റ്റലിന്റെ രണ്ടാം നിലയിൽനിന്നും ഒരു ചെറു കനൽ ഇടക്കിടെ തെളിയുന്നുണ്ട് .. അത് ചലിക്കുന്നതായി കാണാം.
ഇരുട്ട് വീണുകിടന്ന വഴിയിൽ നിന്നും ആ ചെറു കനൽ ഒരു റൂമിനു മുന്നിലെ ബൾബിന്റെ വെളിച്ചത്തിൽ മുഴുവനായി കാണാൻ പാകത്തിന് വെളിച്ചത്തിലെത്തി . സിഗരറ്റിന്റെ പുക ഊതികളഞ്ഞ് ആ കനൽ കൊണ്ടുവന്നവൻ ആ റൂമിനകത്തേക്ക് കയറിപോയി. വാതിലുകളും ജനലുകളും അടഞ്ഞുകഴിഞ്ഞിരുന്നു.
കൂട്ടുകാർക്ക് മുമ്പിൽ അവൻ കൊണ്ടുവന്ന ചെറിയ ബാഗ് വെച്ച് അവൻ കിടക്കയിലേക്ക് തല ചായ്ച്ചു.
പോയിട്ട് കിട്ടിയില്ലേ റോബിൻ???
നീയാ ബോങ് ഒന്ന് ക്ലീൻ ചെയ്ത് ഇങ്ങോട്ട് എടുത്തേ വാവിയേ….
അല്ലടാ …. അപ്പോ …..?
അതൊന്നും ഒപ്പിക്കാതെ ഞാൻ വരില്ലെന്ന് നിനക്കറിയില്ലെ.
എന്നിട്ടെവിടെ ബാഗിൽ കാണാനില്ലല്ലോ.?
ഓ അതോ…. വരുന്ന വഴിക്ക് ഗേറ്റിൽ നിക്കുന്നുണ്ട് ആ നാറി വാർഡൻ ശിവ, അയാളെ കണ്ടപ്പോ തന്നെ എല്ലാം എടുത്ത് ഞാൻ അരയിൽ തിരുകി….വാവീയേ നീ അറിഞ്ഞോ അയാൾക്ക്‌ ഒരു മലയാളികുട്ടി ലൈൻ ആയിട്ടുണ്ടെന്ന്. അതും ആലപ്പുഴക്കാരി
നിന്നോട് ആരാ ഇത് പറഞ്ഞത് , വെറുതെ കഞ്ചാവിന്റെ പുറത്ത് ഓരോന്ന് വിളിച്ച് പറഞ്ഞ് നമ്മൾക്ക് ചീത്തപ്പേരുണ്ടാക്കി തരുവോ നീ.. ഒന്ന് മിണ്ടാതിരിക്കുന്നുണ്ടോ റോബിനെ നീ.,