കുഞ്ഞി [അതിഥി] 86

“അച്ചു അച്ഛൻ വന്നത് കണ്ടില്ലേ നീയ് ”

“വേണ്ട അച്ഛൻ ഇങ്ങട്ട് വരണ്ട , അച്ഛൻ കാരണം ഒരാളും എന്നോട് കൂടുന്നത് പോലും ഇല്ല , അച്ഛനെന്തിനാ കള്ളൻ ആയെ ”
അവൻ കരഞ്ഞുകൊണ്ട് ചോദിച്ചു

“മോനെ നിന്റച്ഛൻ ജീവിതത്തിൽ ഒരു തവണ മാത്രേ കട്ടിട്ടുള്ളു ,
എന്റെ കുഞ്ഞി അവൾ ന്യൂമോണിയ വന്നു സർക്കാർ ആസ്പത്രിടെ വരാന്തേൽ ഊത്താല് അടിച്ചു കിടന്നപ്പോൾ മാത്രം ” അറിയാതെ അയാളുടെ തൊണ്ട ഇടറിപ്പോയി

കുഞ്ഞിയുടെ അടക്കിപ്പിടിച്ചുള്ള തേങ്ങലും കേൾക്കാം

“പിന്നെന്തിനാ അച്ഛനെ ഇടക്കിടക്ക് പോലിസാര് പിടിച്ചോണ്ട് പോണേ ,അച്ഛൻ നൊണ പറയാ” അതും പറഞ്ഞവൻ എണീച്ചു പോയി

****——————–******

“കുഞ്ഞീ ”

നെഞ്ചിൽ കിടക്കുന്ന തന്റെ ഭാര്യയെ അയാൾ വിളിച്ചു

“മ്മ് ”

“എനിക്കൊരു ജോലി ശരിയായിട്ടിണ്ട് ;
എന്നെ കള്ളൻ എന്ന് വിളിക്കാത്ത
നമ്മടെ മോനെ കള്ളന്റെ മോനെ എന്ന് വിളിക്കാത്ത ഒരു നാട്ടിലേക്കു നമ്മക്ക് പോവാം .അവിടെ നമ്മളെ ആരും ശല്യം ചെയ്യില്ല “…

പറഞ്ഞത് സത്യമാണോ എന്ന രീതിയിൽ അവൾഅയാളെ മുഖം ഉയർത്തിയൊന്ന് നോക്കി

കവിളിൽ ഒരു ഉമ്മയായിരുന്നു അയാളുടെ മറുപടി . അവൾ ഒന്നുകൂടി മാറിലേക്ക് മുഖം പൂഴ്ത്തി കിടന്നു

“ഡും ഡും ഡും ”

“ആരും ഇല്ലെടാ ഇവിടെ “വാതില് മുട്ടുന്നത് കേട്ടയാൾ എണീറ്റും

വന്നയാളുടെ മുഖം കണ്ടതും അയാൾ വിയർത്തു

“ഹാ വാതിലിൽ തന്നെ നിൽക്കാതെ മാറി നിൽക്കെടാ ഞാനൊന്നു അകത്തേക്ക് കേറട്ടെ ” അതും പറഞ്ഞു വന്നയാൾ അകത്തേക്ക് കയറി