ഒരു പ്രണയ കഥ [Rivana] 120

ഇഷ്ട്ടങ്ങൾ.. അങ്ങനെ ഉള്ള ചോദ്യങ്ങൾ ചോദിക്കാൻ തുടങ്ങി. ഞാൻ അതിനെല്ലാം നല്ല രീതിയിൽ മറുപടി നൽകുകയും ചെയ്തു.

അങ്ങനെ അവസാനം എനിക്ക് എന്തെങ്കിലും പറയാൻ ഉണ്ടോന്ന് അവൻ എന്നോട് ചോദിച്ചു.

ആ ഒരു ചോദ്യം കേൾക്കാൻ കാത്തിരുന്ന പോലെ ഞാൻ കല്യാണം മുടക്കാൻ ഉള്ള എന്റെ അടവുകൾ പയറ്റാൻ തുടങ്ങി.

ഞാൻ അവന്റെ ഒപ്പം നിന്ന് ഹൈറ്റ്‌ തമ്മിൽ നോക്കി ഏകദേശം എന്റെ അതേ ഹൈറ്റ്‌ അവന് ഉള്ളു. ഞാൻ പറഞ്ഞു ഇക്കയെക്കാളും കുറച്ചുകൂടി ഹൈറ്റ്‌ വേണമെന്ന് എനിക്കാഗ്രഹം ഉണ്ടായിരുന്നു. പിന്നെ ഇക്കാക്ക് നിറം കുറവാണ്, തീരെ തടിയില്ല, മുടി കുറവാണ്,

കഴിഞ്ഞില്ല എനിക് കല്യാണം കഴിഞ്ഞാലും പഠിക്കാൻ പോകണം, ഫുഡ് ഉണ്ടാകാൻ ഒന്നും എനിക്കറിയില്ല, എന്നെ പഠിച്ചു കഴിഞ്ഞാൽ ജോലിക്ക് വിടണം, ഉമ്മാനേം ഉപ്പനേം ഒന്നും നോക്കാൻ എനിക്കാവില്ല.

അങ്ങനെ ആ കല്യാണം മുടക്കാൻ ഉള്ള എല്ലാ പണിയും ഞാൻ ചെയ്തു.

ഞങ്ങളുടെ സംസാരം കഴിഞ്ഞു പുറത്തിറങ്ങി വീട്ടുകാരോട് പറഞ്ഞു അവർ പോയി. പെണ്ണിനെ ഇഷ്ടായോ ഇല്ലയോയെന്ന് വിളിച്ചു പറയാം എന്നവർ പറഞ്ഞു.

ഞാൻ ഉദ്ദേശിച്ച പോലെ അവർക്ക്‌ ഈ കല്യാണത്തിൽ താല്പര്യം ഇല്ലെന്ന് പറഞ്ഞു.
ഞാനും വീട്ടുകാരോട് പറഞ്ഞിരുന്നു ചെക്കൻ ഹൈറ്റ്‌ കുറവാണ് മുടി കുറവാണ് അങ്ങനെ ഉള്ള കുറ്റങ്ങളും കുറവുകളും നിർത്തിയിരുന്നു.

വിചാരിച്ച പോലെ കല്യാണം മുടങ്ങുകയും ചെയ്തു.
വീണ്ടും ഞങ്ങൾക്ക് സന്തോഷത്തിന്റെ ദിനങ്ങൾ വന്നു.

ഡിഗ്രി ലൈഫിന് ഇടക്ക് ഇത് പോലെ കല്യാണ ആലോചന വന്നെങ്കിലും ഞാൻ അതെല്ലാം സമർത്ഥമായി ഒഴിവാക്കി കളഞ്ഞു.

ഡിഗ്രി ലൈഫ് കഴിഞ്ഞിട്ടും കല്യാണ ആലോചനകൾ വന്നു കൊണ്ടിരുന്നു. ഞാൻ അതെല്ലാം ഓരോ കാരണങ്ങൾ നിരത്തി ഒഴിവാക്കി.