ഒരു പ്രണയ കഥ [Rivana] 120

ഉപ്പ ഈ കാര്യം അറിഞ്ഞതും വീട് ഒരു യുദ്ധകളത്തോട് സമാനമായി മാറി. ഉപ്പയുടെ വകയും ഉമ്മയുടെ വകയും തല്ലുകൾ എൻ്റെ ശരീരം ഏറ്റുവാങ്ങി . അതിനേക്കാൾ നോവിച്ചത് അവരുടെ വാക്കുകളാണ്.

എന്നെ ശപിക്കുകയായിരുന്നു അവർ ചെയ്തത്. ഉമ്മയുടെ വളർത്തു ദോഷമാണ് ഞാൻ ഇങ്ങനെ ആയി മാറിയതെന്നും പറഞ്ഞ് ഉപ്പയുടെ വക ഉമ്മയും കുറെ കേട്ടു. ഉപ്പാന്റെ ബെൽറ്റിന്റെ ചൂട് എങ്ങനെ ഉണ്ടാകുമെന്ന് ഇപ്പോഴും എനിക്കറിയാം.

ഈ കാര്യം അറിഞ്ഞു ഉമ്മാന്റെ ഇക്ക വന്നു. ഉപ്പാക്ക് അളിയൻ എന്ന് പറഞ്ഞാൽ വലിയ കാര്യമാണ്. പ്രധാനപ്പെട്ട തീരുമാനങ്ങൾ അളിയനോട് ചോദിച്ചേ ചെയ്യാറുള്ളു.

ഉമ്മയുടെ ഇക്ക എന്ന് പറയുമ്പോ എന്റെ അമ്മാവൻ. അദ്ദേഹം വന്നെന്നോട് കാര്യങ്ങൾ ഒക്കെ ചോദിച്ചറിഞ്ഞു. ഇനി എന്തിന് മറച്ചു വെക്കണമെന്നോർത്ത് ഞാൻ എല്ലാം പറഞ്ഞു കൊടുത്തു.

ഞാൻ പറഞ്ഞത് എല്ലാം കേട്ടതിന് ശേഷം മൂപ്പർ എന്നോട് അവനെ മറക്കാനും ഇനി അവനുമായി ഇനി ഒരു ബന്ധവും ഉണ്ടാവാൻ പാടില്ലെന്നും പറഞ്ഞു. എന്റെ അപ്പോഴത്തെ മാനസിക അവസ്ഥയിൽ  സമീറിനെ മറക്കാൻ കഴിയില്ലെന്ന നിലപാടിൽ ഞാൻ ഉറച്ചു പറഞ്ഞു.

എന്ത് പറഞ്ഞിട്ടും അമ്പിനും വില്ലിനും ഞാൻ അടുക്കുന്നില്ലന്ന് കണ്ടപ്പോൾ അമ്മാവൻ എന്നെ സംസാരിച്ചു നേരെ ആക്കാനുള്ള ശ്രമം ഉപേക്ഷിച്ചു.

പക്ഷെ പുള്ളി വേറെയൊരു പാരയും എനിക്കിട്ട് വച്ചു. ഞാൻ നന്നാവാതെ ഇനി സ്കൂളിലേക്കു അയക്കേണ്ട എന്നുപ്പയോട് അമ്മാവൻ പറഞ്ഞു.

മൂപ്പര് പറഞ്ഞത് അക്ഷരംപ്രതി എന്റെ ഉപ്പ ഉൾക്കൊണ്ടു. എന്റെ പഠിപ്പെല്ലാം മുടക്കി ഇനി വീട്ടിലെ പണി മാത്രം ചെയ്താൽ മതിയെന്നുള്ള ഉത്തരവ് ഉപ്പയിൽ നിന്നും വന്നു.

എന്റെ കൂടെ നിൽക്കാൻ പോലും ആരും ഇല്ലാത്തതിനാൽ ആകെപ്പാടെ  ഒരു ഒറ്റപ്പെടൽ അനുഭവപ്പെട്ടു . ഞാൻ ചെയ്തത് തെറ്റാണ് എന്നെല്ലാവരും മുദ്ര കുത്തി. അതിനാൽ എന്റെ