ഒന്നും ഉരിയാടാതെ 34

onnum uriyadathe

author : നൗഫു ||| ഒന്നും ഉരിയാടാതെ 33

 

ശരിക്കും മിനിയാന്നും ഇന്നലെയുമായി നിങ്ങൾ എന്റെ കമെന്റ് ബോക്സിൽ നിറച്ച ഹാങ് ഓവറിൽ തന്നെ ആണ് ഞാൻ… എല്ലായിടത്തും ഓരോ ചോദ്യവും നിങളുടെ ഉത്തരവും നിറഞ്ഞിരിക്കുന്നു… അതിൽ ഞാൻ ഇനി എങ്ങനെ ഒരു മറുപടി എഴുതുമെന്നുള്ള ചിന്തയിൽ ആയിരുന്നു..

 

സത്യം പറയാലോ എല്ലാവർക്കും ഉള്ള മറുപടി ഞാൻ ഇവിടെ തരുന്നു…

 

നിങ്ങളെക്കാൾ ഞാൻ മനസിൽ കണ്ടു കൊണ്ട് എഴുതുന്ന ഒരു കഥാപാത്രം ആണ് ബാവു.. എങ്ങനെ എന്ന് പറഞ്ഞാൽ… എന്റെ കൂടെ പണി എടുക്കുന്ന ആളാണ് ഇതിലെ നായകൻ.. അവനെ കണ്ടു കൊണ്ട് എഴുതുന്ന കഥ.. ഉനൈസ്… നാജി അവനിലേക് ഞാൻ ഒരു ഇണയെ ചേർത്തത് ആണ് അവന്റെ ബീവിയെ മനസിൽ കണ്ടു കൊണ്ട് തന്നെ….. (ആരോടും പറയണ്ട ഞാൻ ഇങ്ങനെ ഓക്കേ എഴുതി എന്നറിഞ്ഞാൽ ആദ്യം അവന്റെ തല്ല് ഞാൻ കൊള്ളണം ???)

 

ഈ കഥ എങ്ങനെ ഏത് വഴിയിൽ മുമ്പോട്ടു പോകുമെന്നുള്ള ഒരു വ്യക്തമായ ധാരണ എനിക്ക് ഉണ്ട്.. അത് ചിലപ്പോൾ നാജിയെ വെള്ള പൂശിയത് പോലെ ആകാം.. അല്ലേൽ മറ്റെന്തെങ്കിലും വഴിയിൽ…

 

ഒരൊറ്റ കാര്യം നിങ്ങളോടുണർത്തുവാനാണ് ഞാനിപ്പൊ ഈ ആമുഖം എഴുതുന്നത്…

 

ഈ കഥ ഇവിടെ തീരുവാൻ പോകുന്നില്ല.. ഇനിയും ഇതിൽ എനിക്ക് ഒരുപാട് പറയാൻ ഉണ്ട്.. കഥ ലാഗാണെന്നുള്ളത് ഇനി ഞാൻ കേൾക്കില്ല.. അത് നിങ്ങളോട് ഞാൻ തന്നെ ഒരുപാട് പ്രാവശ്യം പറഞ്ഞിട്ടുണ്ട്.. കഥയിൽ നല്ലപോലെ ലാഗുണ്ടായിരിക്കും.. ഓരോ വാക്കുകളും നുള്ളി പെറുക്കി കൂട്ടിവെച്ചേ ഞാനീ കഥ എഴുതു…

 

മറ്റൊന്ന്.. ഈ കഥ കഴിഞ്ഞ പാർട്ടിൽ വായന നിർത്തി എന്ന് പറഞ്ഞവരോടാണ്… നിങ്ങളായിരിക്കും ഈ കഥയുടെ അടുത്ത പാർട്ട്‌ വന്നാൽ ആദ്യം വായിക്കുക എന്നെനിക്ക് നല്ലത് പോലെ അറിയാം.. കാരണം ഒന്നുമില്ല.. ഈ കഥ നിങ്ങളെ ഹൃദയത്തിൽ അത്രത്തോളം സ്വാധീനം ഉണ്ടാക്കിയിട്ടുണ്ട്… നിങ്ങളെ പോലെ തന്നെ ഇത് എഴുതുമ്പോൾ ചില സന്ദർഭങ്ങൾ എഴുതണോ എന്ന് പോലും ഞാൻ ചിന്തിച്ചിട്ടുണ്ട്.. അത് എഴുതാതെ പറഞ്ഞു പോയാൽ കഥ മുഴുവനാകാതെ എഴുതിയത് പോലെ ആകും…

 

എനിക്ക് നാജിയുടെയും ബാവുവിന്റെയും ജീവിതത്തിൽ സംഭവിച്ച കാര്യങ്ങൾ മുഴുവൻ പറയണം എന്നുണ്ട്…

 

മറ്റൊരു കാര്യം കൂടി… ഈ കഥയുടെ പ്രസന്റ് നടക്കുന്നത് ഇനിയും ഒന്നര കൊല്ലത്തിന് ശേഷമാണ്.. അതായത് ഈ കഥയുടെ പ്രസന്റ് 2019 സെപ്റ്റംബർ മാസം ആണേൽ.. ഇപ്പൊ ഞാൻ പറയുന്ന ഭാഗങ്ങൾ 2018 ഏപ്രിൽ മാസത്തിൽ നടക്കുന്ന കാര്യങ്ങൾ ആണ്… പുതുമഴ വരുന്ന സമയത്തുള്ള ഭാഗം…

 

ഇപ്പോൾ ഏകദേശം ക്ലിയർ ആയിട്ടുണ്ടാവും എന്ന് കരുതുന്നു…

 

നിങ്ങൾ ഇത് വരെ കണ്ടെത്തിനേക്കാൾ വലുത് ഇനി കാണാൻ ഉണ്ട്.. അപ്പൊ എങ്ങനെ തുടങ്ങുക അല്ലെ…

 

ബാവുവിന്റെ കൂടെ ജീവിക്കാതെ ഇരിക്കാൻ പ്രേതൃകം ശ്രദ്ധിക്കുക…???…

 

ബാവൂ പാവമാണ്.. കൂടെ ഈ ഞാനും ഒരു പാവമാണ് ???

 

ഒരു കാര്യം പറയാൻ മറന്നു.. അത് കഥ നീട്ടി വലിച്ചു കൊണ്ട് പോകുന്നു എന്ന് പറയുന്നവരോടാണ്.. നിങ്ങളെ പോലെ എനിക്കും തോന്നുണ്ട് എന്തിനാ ഇത്രയും നീട്ടി പരത്തി പറയുന്നത് എന്ന്.. വെറുതെ രണ്ടു വാക്കിൽ പറഞ്ഞാൽ പോരെ എന്ന്..

 

മതിയായിരുന്നു… കഥ എഴുതുമ്പോൾ ചിന്തിച്ചത് പോലെ മൂന്നു പാർട്ടിൽ തീർക്കാമായിരുന്നു. പക്ഷെ ഞാൻ ആകെ പറയുന്നത് ഇവരുടെ ജീവിതത്തിൽ സംഭവിച്ച ഈ കൊറോണ കാലം വരെ ഉള്ള കുറച്ചു കാര്യങ്ങൾ മാത്രമാണ്.. ഇത് എഴുതി എടുക്കാൻ ഞാൻ നല്ലവണ്ണം കഷ്ടപെടുന്നുണ്ട്.. രാവിലെ 8 മണിക്ക് ജോലിക് പോയി രാത്രി 12 മണിക്ക് തിരികെ വരുന്ന ഞാൻ പിന്നെയും രണ്ടു മണിക്കൂർ മൊബൈൽ പിടിച്ചു ഇരുന്നാണ് ഓരോ പാർട്ടും നിങ്ങളിലേക്ക് തരുന്നത്.. പിന്നെ ആകെ ഉള്ളത് മുന്നോ നാലോ മണിക്കൂർ മാത്രമുള്ള ഉറക്കമാണ്.. ഇവിടെ ഒരുപാട് പാർട്ട്‌ എഴുതിയാൽ മുതലാളി എനിക്ക് പൈസ തരാമെന്നൊന്നും പറഞ്ഞിട്ടില്ല.. ചില വാക്കുകൾ കാണുമ്പോൾ സത്യത്തിൽ ദേഷ്യം വരാറുണ്ട് സുഹൃത്തുക്കളെ.. അത് ഒന്നു കൊണ്ടും അല്ല.. എന്നെ തന്നെ കുറ്റപ്പെടുത്തി ആണ്…

 

എന്തിനാടാ പോത്തേ അറിയാൻ പറ്റാത്ത പണിക് പോകുന്നത് എന്ന് ചോദിച്ചിട്ട്.. അത് കൊണ്ട് തന്നെ ഞാൻ ബല്യ എഴുതുകാരനോ ചെറിയ രീതിയിൽ പോലും എഴുതാൻ അറിയുന്നവനും അല്ല.. അത്രയും മോശപ്പെട്ട എഴുത്താണെന്ന് അറിയാം.. ഇതൊക്കെ വായിക്കുന്ന നിങ്ങൾക്ക് ഞാൻ ഒരു അവാർഡ് തരണം ???

 

ആമുഖം നീളം കൂടിയതിൽ ആദ്യം തന്നെ ക്ഷമ ചോദിക്കുന്നു… മാപ്പ്.. ഐ മീൻ ദി എക്സ്ട്രാ ഓർഡിനറി ലോക്കല്‍ മാപ് ഓഫ് അപ്പർ കുന്നംകുളം..!!!

 

❤❤❤❤