ഒന്നും ഉരിയാടാതെ 20

Onnum uriyadthe…

Author : നൗഫു ||| Previuse part

ഇന്നലെ ഉറക്കത്തിൽ എഴുതി പൂർത്തി ആക്കിയത് ആണ്.. നമ്മളെ നാജിയെ പോലെ.. തെറ്റുകൾ വന്നാൽ കണ്ണടക്കുക ❤❤❤

ഓരോ നിമിഷത്തിലും കരയിലേക് വന്നു മണ്ണിനെ തൊട്ടുരുമ്മി പോകുന്ന തിരമാലകള്‍ കാണാൻ എന്ത് രസമാണ്… കുറച്ചു പുറകിലേക്ക് വലിഞ്ഞു ഒരു ചുരുളായി അവ വീണ്ടും വരുന്നു.. മണ്ണിനെ മുത്തി കൊണ്ട് കരയിലേക് കയറുന്നു.. വീണ്ടും ആ ഭാഗം കുറച്ചു നനവ് വരുത്തി കൊണ്ട് പിൻ വലിയുന്നു…

കടൽക്കരയിലെ പൂഴിയിലിരുന്നു ഞാൻ കടലിലേക്ക് തന്നെ നോക്കി ഇരുന്നു… ചെറിയ ഒരു കാറ്റ് എന്നെ തൊട്ട് തലോടുന്നുണ്ട്.. വേണ്ട റബ്ബേ.. നീ എന്നെ ആശ്വസിപ്പിക്കാൻആണേൽ നോക്കണ്ട.. എനിക്കൊരു സങ്കടവും ഇല്ല…

http://imgur.com/gallery/WVn0Mng

നാജി എന്നോട് അവസാനമായി പറഞ്ഞ വാക്ക് തന്നെ ആണ് ശരി.. അവൾ അജ്‌മലിന്റെ ആണ്.. അവന്റെ മാത്രം… എല്ലേലും ഞാൻ ആര്… പണമോ പദവിയോ എനിക്കില്ല.. പിന്നെ… എന്താണ് ഒരു പേരായി ഉള്ളത്.. ഒന്നുമില്ല..

പ്കസെങ്കിലും എന്നെ ഇങ്ങനെ മോഹിപ്പിക്കണ്ടേനി.. നിനക്ക് അറിയില്ലേ എന്റെ മനസ് റബ്ബേ.. പോട്ടെ അല്ലെ.. എല്ലാം പോട്ടേ.. മുകളിലുള്ളവൻ എന്റെ ശബ്ദം അടുത്ത് നിന്ന് കേൾക്കുന്നുണ്ടെന്ന വിശ്വസത്തോടെ ഞാൻ എന്റെ പരാതിയുടെ കെട്ടു തുറന്നു..