ഒന്നും ഉരിയാടാതെ…10

Onnum uriyadathe

Author : നൗഫു ||| Previus part

 

കഥ ഓരോ നിമിഷവും ഒപ്പി എടുത്തോണ്ടാണ് പോകുന്നത്.. ഗിയർ മാറ്റാൻ എത്ര പാർട്ട്‌ വേണമെന്ന് എനിക്ക് അറിയില്ല.. എന്നാലും ഇഷ്ട്ടപെടുമെന്നുള്ള വിശ്വസത്തോടെ..

കഥ തുടരുന്നു….

http://imgur.com/gallery/WVn0Mng

“ഇതെന്താ നാജി കഴുത്തിൽ…” 

 

ഞാൻ അവളുടെ കഴുത്തിലേക് നോക്കി ചോദിച്ചു..

 

“അത്..” 

 

അവളൊന്നും മിണ്ടാതെ നിലത്തേക് നോക്കി നിന്നു..

 

“ഇതെന്താ ഇപോ നിനക്ക് ഇടാൻ തോന്നിയത്..”

 

“എല്ലാവരും പറഞ്ഞു… മഹർ കഴുത്തിലിടണമെന്ന് അത് കൊണ്ടാണ്..”

 

“അത് വേണ്ട.. നിനക്ക് സമ്മതമില്ലാതെ.. നിന്റെ കഴുത്തിൽ ഈ മഹർ നീ ഇടരുത്..” 

 

ഞാൻ എന്റെ കൈ അവളുടെ കഴുത്തിലെ മഹറിൽ പോയി പിടിച്ചു…

 

അവളെന്റെ മുഖത്തേക് തന്നെ ഞാൻ എന്താണ് ചെയ്യാൻ പോകുന്നതെന്ന് അറിയാതെ സൂക്ഷിച്ചു നോക്കി… പതിയെ എന്റെ കൈകൾ കൊണ്ട് ആ മാല ഊരി എടുത്തു ഞാൻ  നടന്നു… 

 

അവൾ അവിടെ നിന്ന് കൊണ്ട് തന്നെ എന്നെ നോക്കുന്നുണ്ട്… വാതിലിന്റെ അരികിലെത്തിയ ഞാൻ പതിയെ ശബ്ദമുണ്ടാകാതെ വാതിലടിച്ചു തിരിഞ്ഞു…

 

“ഇതിങ്ങനെ നീ ഒറ്റക് അണിഞ്ഞാൽ എങ്ങനെയാ ശരിയാവുക.. ഞാനല്ലേ നിനക്ക് ഇത് തന്നത്, അത് കൊണ്ട് ഞാൻ തന്നെ ഇത് നിന്റെ കഴുത്തിൽ ചാർത്തി തരാം..”  

 

ഒരു പുഞ്ചിരിയോടെ പറഞ്ഞു ഞാൻ അവളുടെ അടുത്തേക് നടന്നടുത്തു…

 

ഞാൻ അവൾക്കരികിലേക് നടന്നടുക്കുന്നതിന് അനുസരിച്ചു അവളും പിറകോട്ടു ഓരോ അടിവെച് നടന്ന് കട്ടിലിന്റെ അരികിലുള്ള മേശയിൽ ചാരി നിന്നു…  ഇനി ഒരടി പിറകിലേക് പോകുവാൻ കഴിയാതെ…